فاریاب ولایتینینگ کوهستان تومنی کمیده 20 کون آلدین طالبلرنینگ نظارتیگه اوتدی و حاضر امنیتی کوچلردن 190 تهسی مذکور گروهنینگ قمراویده قالگن.
کوهستان پولیس قومندانی محمدناصرخاننینگ سلاموطندارگه ایتیشیچه، هر ساعت اوتیشی بیلن قوراللی طالبلرنینگ قمراوینی حقلهسی اولر اوچون تار بولهدی. کوهستان پولیس قومندانینینگ کوپهیتیریشیچه، امنیتی کوچلرنینگ 40 عایلهسی هم قمراوده قالگن و اولرنینگ کوندهلیک قربانلیگی 2-3 کیشیگه ییتیشهدی.
ناصرخاننینگ ایتیشیچه، قوراللی طالبلر مذکور تومنگه ییگولیک ماده کیریشیگه توسیق بولگن، «طالبلرنی ایسدن چیقاردیک، حاضر آوقتنی اویلهیمیز و آچیلیک بیلن نیمه ایش قیلیشیمیزنی بیلمهیمیز!»
قوراللی طالبلرنینگ قمراویده قالگن عسکرلردن بیری نقیبالله نینگ ایتیشیچه، بو تومن گه ییگولیک ماده قاچاق شکلده آلیب کیلینهدی، لیکن جوده هم آز دیر و بیرقطار کیشی اوندن فایدهلنهدی.
بیراق، فاریاب پولیس قومندانی نبیجان میاخیلنینگ ایتیشیچه، پولیس کوچلریگه ییگولیک ماده ییتیشگن و ییگولیک ماده یوقلیگیدن شکایت قیلگنلر مردمی کوچلر دیر.
شونینگدیک، اوتگن هفته جوزجان ولایتینینگ درزاب تومنیده امنیتی کوچلردن کمیده 120 تهسی داعش گروهی تامانیدن قمراوگه آلینگن ایدی، بیراق منطقه گه یاردمچی کوچ یوباریلگنیدن سونگ، بوگون قمراو سیندیریلدی.