.jpg)
فاریاب مدنی فعاللریدن بیری آمنه مخلص‌زاده، 400 نیازمند عایله‌گه ماسک و صابون یاردم بیرگن.
اونینگ ایتیشیچه، کرونا ویروسی باعث، دنیا یشاوچی‌لریدن کوپ قطاری دنیا دن اوتگن و اوشبو ویروس کون اوتیش بیلن افغانستانده هم کوپه‌یب بارماقده، بیراق مملکت اینقسه فاریاب یشاوچی‌لری ساغلیک تجهیزات‌لر کم‌لیگی بیلن روپه‌ره دیر و انه‌شو سبب، نیازمند عایله‌لرگه ماسک و صابون یاردم بیرگن.
خانم مخلص‌زاده نینگ کوپه‌یتیریشیچه، مملکت یشاوچی‌لریدن هر بیرینی اوز توان‌لریگه کوره، نیازمند عایله‌لرگه یاردم بیریب و کرونا ویروسی خصوصیده اهالی‌گه معلومات بیریش‌لری کیره‌ک.
خانم مخلص‌زاده گه کوره، کرونا ویروسی خصوصیده معلوماتی بولمه‌گن عایله‌لرگه بیرینچی‌دن بو ویروس حقیده معلومات بیریب و اوندن سونگ، ماسک و صابون توزیع قیلگن.
مذکور یاردم‌لردن فایده‌لنگن بیرقطار عیال‌لرنینگ ایتیشیچه، اوزاقده بولگن قشلاقلرده عیال‌لرنینگ کرونا ویروسی و اونینگ خطری توغریسیده هیچ‌قنده‌ی معلوماتی یوق و اولر خانم مخلص‌زاده نینگ بو ایشی باعث، کرونا ویروسی نینگ سرایت قیلیشی و خطری خصوصیده معلومات تاپگن‌لر.
ایتیلیشیچه، نیچه پیت آلدین فاریاب ولایتی کینگش اعضالریدن بیرقطاری، اوشبو ولایت نینگ تومن‌لریده کرونا ویروسی‌گه قرشی کوره‌شیش اوچون هیچ‌قنده‌ی امکانیت یوباریلمه‌گنی و بو ویروس خصوصیده معلومات بیریلمه‌گنی‌دن تنقید قیلگن ایدی‌لر.
