افغانستان شمالی‌ده جایلشگن فاریاب و مزار شریف عمومی یولی‌ده‌گی قرم قول ولسوالیگی نینگ میزرا قلم منطقه‌سیده 80 یولاووچی قورالی طالب‌لر تامانیدن اوغیرلنگن.
نامی سیر سقله‌نیش شرطی بیلن سلام وطندارگه سوز بیرگن فاریاب امنیتی مسول‌لریدن بیری‌گه کوره، بوگون ایرتلب تانگ وقتی بیلن ساعت 8 ده کابل دن میمنه تامان کیله دیگن 404 تیپلی موترنینگ یولاووچی‌لری جنگری طالب‌لر آرقه‌لی اوغیرلنگن.
شونینگ‌دیک اوچ سراچه تیپلی موترنینگ هم یولاووچی‌لری اوغیرلنگن لیگی ایتیله‌دی. عین حالده، فاریاب عمومی یول‌لر خوفسیزلیگی‌نی تامین‌لاووچی قوماندان سمونیار محمد حنیف حادثه‌نی تصدیق‌لب ایتیشیچه، یولاووچی‌لر فاریاب ولایتی‌نینگ قرم قول تومنی‌گه قره‌شلی میرزا قلم منطقه‌سیده اوغیرلنگنلر.
او، قورالی طالب‌لر نیچه ساعت فاریاب – مزا ر شریف یولی‌نی ترافیک یوزیگه باغله‌گن‌لر دیگن. ایتیلیشیچه محل‌گه ملی کوچلر کیلیشی بیلن طالب‌لر منطقه‌نی ترک قیلیب قاچیشگه اولگورگن.
شونینگ‌دیک میمنه – مزار شاه یول‌لری قوماندانی اوغیرلگن‌لردن 40 ته‌سی هنوزگه طالب‌لر تامانیدن آزاد ایتیلگن دیگن.
اوز ناملی فاش ایتلیشی ایستمه‌گن امنیتی مسول‌لریگه کوره، اوغیرلنگنلر دن 25 ته‌سی قوراللی طالب‌لر تامانیدن آزاد ایتیلگن‌نی تصدیق له‌گن.
باشقه تاماندن فاریاب ولایت کینگشی‌نینگ باشلیغی محمد طاهر رحمانی، اوغیرلنگن‌لرنینگ تقدیری هنوزگچه معلوم ایمس لیگی باره سیده تاکیدله‌گن.
شونینگ‌دیک میمنه – مزار شاه یولی قوماندانی قورالی طالب بیلن افغان ملی کوچلری اورته‌سی‌ده یوز بیرگن توقنشوده ایکّی طالب اولدیریلیب باشقه تورته‌سی ایسه تن جراحتی آلگن دیگن..
جاری قویاش ییل قوراللی طالب‌لر تامانیدن بیرینچی مرته میمنه مزار یولیده یولاووچی‌لر اوغیرلنه‌دی.
