معارف سابق وزیری و کابل معارفی‌نینگ باشلیغی 3 ایری مرحله‌ده 25 میلیون افغانی تالان –تاراج قیلگنلر. سلام‌وطندارگه ییتیب کیلگن حجت‌لرنی کورسه‌تیشیچه، تالان-تاراج بولگن پول ایکی مرحله‌سینی جناب وردک معارف وزیری حیثی‌ده زمینه یره‌تگن.
معارف وزیرلیگی ایچکی تیکشیروولریده تیار قیلینگن 51 صحیفه‌لیک گزارش‌ده، کرایی مکتب‌لر ساختمانلریدن «119» شرطنامه‌دن «10» ته‌سی دیوارلر قوریلیش و «7» شرطنامه محصوللر خریدارلیگیدن «4» محصول شرطنامه‌سی اورنک شکلیده تیکشیریلگن.
1393-ییل نوروز مناسبتی‌ده «9,036,200» افغانی معارف وزیرلیگی خذمت‌لر رییسی تامانیدن تالان-تاراج قیلینگن
1393-ییل 3 حمل‌ده معارف سابق وزیری فاروق وردک «سراج‌الدین اوغلی محمدصدیق» و «عبدالباقی اوغلی عبدالرزاق» لردن «معارف وزیرلیگی خذمت‌لر باشلیغی دکتر فضل‌الحق صاحب‌زی» مصرف ایتیلگن پولنی تولش حکمینی صادر قیلگن.
بیراق، 1394-ییل معارف وزیرلیگی ایچکی تیکشیرووی بولیب اوتیشی بیلن مذکور پول نوروز بیره‌میده قتنشه دیگن اوقووچیلر توشلیک آوقت‌لری و ترانسپورتی مصرف‌لری بهانه‌سیده تالان-تاراج بولگن.
تیکشرووده دکتر فضل‌الحق صاحب‌زی نینگ ایتیشیچه، او هیچ قنده‌ی پولنی کورمه‌گن و پول خذمت‌لر ریاستی نقدی معتمدی «نجیب‌الله»نینگ آلدیده. جناب صاحب‌زی‌گه کوره، نوروز بیره‌میده قتنشگن اوقووچیلر توشلیک آوقتی و ترانسپورتی مصرف‌لری بیره‌م اوتکزیش کمیسیونی بوینیگه ایکن. اما «محمداسلم اوغلی نجیب‌الله» معارف وزیرلیگی تیکشیروو اعضالریگه هیأت حضوریده 5 میلیون افغانینی «سراج‌الدین اوغلی محمدصدیق»گه تدارکات ریاستی معتمدی آلدیدن 4036200 افغانینی وزیرلیک دفتری ریاستی معتمدی «عبدالباقی اوغلی عبدالرزاق»گه سابق وزیر فاروق وردک بویروغی اساسیده تاپشیرگنینی ایتگن.
تیکشیروو هیأتی فضل‌الحق صاحب‌زینی باشقه 5 کیشی بیلن عدلی و قضایی نهادلرگه آلدیدن قضیه آنیق سوره‌لیش اوچون معرفی قیلیش‌گه کیلیشگن.
نوروز بیره‌میده کابل شهر معارفی و اورتاقلری«11121415» افغانینی تالان-تاراج قیلگن
معارف ریاستی 1393-ییل نوروز بیره‌میده لوژستیکی «افغان کیپتل» و «پاورپاینت» شرکتلری بیلن 3 شرطنامه‌گه قول قویه‌دیلر.
«افغان کیپتل» لوژستیکی شرکتی بیلن بیرینچی ایکی شرطنامه‌نی «8,126,215» گه امضا قیلیشی تدارکات قانونیگه قرشی بولگن و «پاورپاینت» شرکتی بیلن اوچینچی شرطنامه شوپیتده امضا بولگن که حتی مذکور شرکتنی کابلده دفتری هم بولمه‌گن؛ بو تالان-تاراج هم 1393-ییل نوروز بیره‌می نامیده اوتکزیله‌دی.
شونینگ‌دیک، معارف سابق وزیریگه عیاللر اوچون آلینگن کییم‌لر جمهور رییس‌گه یاقمه‌گن و زمان قیسقه‌لیگی سبب کییم‌لر قیته آلینگن صورتده، آلدینگی قیمتیدن کوره یوقاری توشه‌دی دیگن پیشنهاد متنیگه وزیر تأیید قیلگن. اوشبو پیشنهاد اساسیده، کییم‌لر اصلی قیمتیدن «1625» فایز یوقاری کوتاریلگن. اورنک شکلیده بیر قندهاری و هراتی یخن بهاسی بازارده 800 افغانی ایدی ولی 13000 مینگ افغانی ساتیب آلینگن.
حجت‌لر کورسه تیشیچه، نه فقط بو ایشلر برچه‌سی قانونگه قرشی بولگن، بلکه بیرار پیت اداری حجت‌لری جعل قیلینگن.
کابل شهرمعارفی باشلیغی محمدسعید منصور، کابل معارف ریاستی اورین باسری محمدآصف انوری، کابل معارفی غیر رسمی ایشلاوچیسی میارحیم صافی، کابل معارفی تدارکات بولیم عمومی مدیری نورالله مهرور، کابل معارفی عمومی خذمت‌لر مدیری محمدعزیز و افغان کیپتل شرکتی باشلیغی یرغل نادر حجت‌لرگه کوره، مذکور تالان-تاراجگه قوللری بولگن.
کابل معارف باشلیغی و اورتاقلری کمپیوتر و پرنتر آلیش اوپون «4490000» افغانی پولنی تالان-تارج قیلگن
حجت‌لر کورسه تیشیچه، «پاورپاینت» شرکتی‌دن 50 پایه کمپیوتر و 50 پایه پرنتر آلیش شرطنامه‌سیگه قول قویگن‌لر. اوشبو شرطنامه هم اوتمیش 3 شرطنامه‌نی معارف ریاستی نوروز بیره‌می نامیده جعل قیلیب «افغان کیپتل» و «پاورپاینت» شرکتلری بیلن امضا قیلگن ایدی و «پاورپاینت» شرکتینی حتی کابلده نماینده‌لیگی یوق.
«ویندوز، النوید و دوبی آسیا» کمپیوتر فروش دکانلریدن 3 اورنکنی جعل قیلگنلر، بو اوچ شرکت هم «پاورپاینت» دیک کابلده نماینده‌لیگی بولمه‌گن و شرکت‌لر مهری هم تالان-تاراج قیلگنلر تامانیدن جعل قیلینگن. بو جعل قیلیش‌لر تالان-تاراج قیلیش زمینه‌سینی کوپراق یره‌تگن و بازار قیمتیدن 202 فایز یوقاری کورستگن.
معارف سابق وزیری فاروق وردک نینگ سلام‌وطندار بیلن صحبت قیلیب ایتیشیچه، وزیرلیک پیتیده نوروز بیره‌می اوتکزیلیشی اوچون 20 کیشی‌لیک کمیسیون توزه‌تگن ایکن، بیراق مذکور کمیسیون بیره‌م اوچون بودجه اجره تمه‌گنلر و بودجه‌لی اداره‌لر بیره‌م هزینه‌سیگه شریک بولگن ایدیلر.
اونینگ ایتیشیچه، وزیرلیک پیتیده هیچ قنقه پولی سوء استفاده قیلمه‌گن، اما اونگه کوره، سابق مأمورلردن اشتباه‌لری بولیشی ممکن و حکومت بونده‌ی مأمورلرنی عدلی و قضایی نهادلرگه معرفی قیلیشی لازم.
باشکینت معارف باشلیغی محمدسعید منصور بیلن نیچه مرته تماس آلماقچی بولدیک، بیراق جناب منصور صحبت‌نی آرتده قویدی و نهایتده سوز بیریشدن واز کیچدی.
بو خیالی شرکت‌لر بیلن معارف وزیرلیگی اورته‌سیده بولگن جعل کارلیکلر اورنکی ایدی و رسمی‌چیلیک ایشلرگه نسبت بیریشلری بیلن میلیونلرچه پولنی جعل قیلگنلر.
