افغانستان ملی مدافعه وزیرلیگی نینگ ایتیشیچه، غور و غزنی ولایت‌لریده حربی تشکیلاتی کماندو کوچلری تامانیدن یولگه قوییلگن ایکی خاص و ایری عملیات نتیجه‌سیده تینچ اهالی و حربی شامل کمیده 18 کیشی طالبان گروهی نینگ قماقخانه‌سیدن قوییب یوباریلگن.
ملی مدافعه وزیرلیگی تامانیدن نشر ایتیلگن خبرنامه گه کوره، دوشنبه دن سه‌شنبه گه اوتر کیچه غور ولایتی نینگ پسابند تومنی سرخ بلاغ قیشلاغیده کماندو کوچلری تامانیدن اویوشتیریلگن خاص عملیات نتیجه‌سیده 9 تینچ اهالی طالبان گروهی نینگ قماقخانه‌سیدن آزاد قیلینگن.
ملی مدافعه وزیرلیگی نینگ ایتیشیچه، مملکت امنیتی و مدافعه کوچلری ملی مدافعه وزیرلیگی رهبرلیگی نینگ بویروغی نی عمل‌گه آشیریش اوچون اولکه‌داشلرنی دوشمن‌لرنینگ قولیدن قوییب یوباریش خصوصیده، جدی شکلده عملیات یولگه قویه‌دیلر.
شونینگدیک، اوشبو وزیرلیک نینگ باشقه بیر خبرنامه‌سیده ایتیلیشیچه، غزنی ولایتی نینگ گیرو تومنیده طالبان گروهی نینگ بیر قماقخانه‌سی اوستیگه مملکت امنیتی و مدافعه کوچلری تامانیدن اویوشتیریلگن خاص عملیات نتیجه‌سیده 5 حربی عسکر و 4 تینچ اهالی شامل 9 کیشی طالبان گروهی نینگ قماقخانه‌سیدن قوییب یوباریلگن.
طالبان گروهی بو توغریده فکر بیلدیرمه‌گن.
