_Copy1.jpg)
غور ولایتی لعل و سرجنگل تومنی نینگ گرم‌آب سفلی منطقه‌سی نینگ یشاووچیلری، تومن نینگ شفاخانه‌سیده اهالی‌گه کورسه تیله‌دیگن ساغلیق خذمتلردن شکایت قیلگنلر. متخصص شفاکارلر یوقلیگی، دوا آزلیگی، شفاخانه مسووللرینینگ ایکّی تامانلمه یاندهشیشی باعث کسللرینی ولایت مرکزی فیروز کوه شهریگه آلیب کیلیشگه مجبور بولگن لیکلرینی ایته‌دی اهالی.
اولر، مساله حل ایتیلیشی توغریسیده مسووللرنی بی‌فرق لیکده عیب له‌گنلر.
لعل و سرجنگل تومنی نینگ اوشبو یشاووچیلری، موضوعنی نیچه مرته تیگیشلی اداره‌لر رسمیلری بیلن اورته‌گه قویگن لیکلرینی تیلگه آلگنلر. لیکن، بو خصوصیده هیچ قنده‌ی اعتبار بیریلمه‌گن.
لعل و سرجنگل تومنی نینگ ولایتی کینگش‌ده‌گی اعضاسی عبدالحمید ناطقی، تومنده اهالی‌گه کورسه تیله دیگن ساغلیق خذمت‌نی جدی تنقید آستیگه آلگن.
گرم‌آب سفلی منطقه‌سی شفاخانه‌سی نینگ مسووللری کیشیلر بیلن ایکّی تامانلمه یانده‌شیش‌دن علاوه کوپینچه پئیتلرده ایش‌ده حاضر بولمسلیکلرینی ایته‌دی ولایت کینگشی نینگ بو اعضاسی.
جناب ناطقی، داکترلر شخصی مناستبلر اساسیده ایشگه آلینیشی کسللر بیلن ایکّی تامانلمه یانده‌شیش نینگ یگانه عاملی حسابلنه‌دی دیگن.
ولایت کینگشی نینگ بو اعضاسی، محلی رسمیلر بو قیین چیلیک حل بولیش مقصدیده جدی اعتبار بیرمه‌گن حالده، علاقه‌لرینی دولت بیلن کیسیشلری توغریسیده آگاهلنتیرگن.
اما، غور شفاخانه‌سی نینگ باشلیغی غلام نبی یگانه، لعل و سرجنگل تومنیده خلق‌قه درست شکلده ساغلیق خذمت کورسه‌تیلمسلیگیدن خبرسیز ایکن لیگینی ایتیب، بو توغریده‌گی قیین چیلیکلرنی حل قیلیش اوچون سعی و حرکت آلیب باریشدن سوز بیرگن.
