غور ولایتی محلی رسمی‌لری‌نینگ ایتیشیچه، مذکور ولایت‌نینگ مکتب‌لریدن 70% نی بِناسی یوق دیر و اوقووچی‌لر آچیق فضاده درس اوقیدیلر.
سلام‌وطندارگه صحبت بیرگن غور حاکمی سوزلاوچیسی عبدالحی خطیبی‌نینگ ایتیشیچه، مذکور ولایتده ناتینچلیک، متخصص اوقیتووچی یوقلیگی و هوا ساووقلیگی اورگه‌تیش و تربیه‌لش اوچون اساسی قیین‌چیلیک‌لردن سنله‌دی. جناب خطیبی‌نینگ ایتیشیچه، اوشبو ولایت‌نینگ محلی مسؤوللری معارف‌نی ایشی یکونلنمه‌گن بِنالریدن فایده‌لنیش اوچون سعی و حرکت قیلگن‌لر، بیراق حاضرگچه ییترلیچه نتیجه قولگه کیلمه‌گن.
شونینگدیک، غور مدنی فعاللری، اوشبو ولایتده معارف وضعیتی‌نی خواطرلی بیلیب ایتیشیچه، اوغیل باله‌لرگه علاوه قیز اوقووچی‌لر هم اورگه‌تیش و تربیه‌لش‌دن یخشی بیر شکلده فایده‌لنه آلمه‌یدیلر. اولرگه کوره، یالغیز غور ولایتی‌نینگ مرکزیده بولگن قیزلر مکتب باره‌دیلر.
شونینگدیک، غور معارف باشلیغی احمدصابر نوری‌نینگ ایتیشیچه، غور مکتب‌لری بِنا یوقلیگی علاوه کتاب کم‌لیگی گه روپه‌ره بولیب تورگن. غور معارف باشلیغی‌نینگ ایتیشیچه، مذکور ولایتده بولگن 847 مکتب‌دن یالغیز 127 مکتب‌نی بِناسی بار.
غور ولایتی‌نینگ محلی مسؤوللری و مدنی فعاللری، نیچه وقت آلدین هم اوشبو ولایتده معارف وضعیتی‌نی خواطرلی بیلیب ایتیشیچه، مکتب‌لردن کوپینچه‌سیده نه‌فقط اوقیتووچی؛ بلکیم اوقووچی هم یوق دیر.
