.jpg)
غور ولایتی‌نینگ محلی رسمی لریدن 8 کیشی، صلاحیت‌لریدن سوء استمال قیلیش‌گه عیب‌لنیب، بوگون «دوشنبه» آچیق بیر ییغینده، فیروزکوه شهری محکمه‌سی تامانیدن 3 آی‌لیک حبس‌گه آلیندی.
اوشبو 8 کیشی انچه وقت آلدین، غور ولایتی‌نینگ سابق والیسی سیما جوینده تامانیدن، شرط نامه‌لرنی تیارلش جریانیده 117 میلیون افغانی‌دن آرتیق پول‌نی تالان قیلیش‌گه عیب‌لنیب، مذکور ولایت قاره‌لاوچیلیگی‌گه تانیشتیریلگن ایدی.
سابق والی‌نینگ اورین باسری محمد امین توخی، مستوفی مسؤولی محمدیوسف دانیار، مستوفیت عواید مدیری عبدالحق رسولی، مستوفیت اداری مدیری نورالدین، تدارکات مدیری عبدالصمد، شهر قوریش آمری انجنیر خیرالدین، غور ولایت مقامی اداری باشلیغی غلام محمد پیمان و دولت قویی مرتبه‌لی مأمورلریدن بیری، فیروزکوه شهری محکمه‌سی تامانیدن جنایتچی تانیلیب، قماققه تشلنگن.
غور ولایتی محلی حکومت بلند مرتبه‌لی رسمی‌لری، پولیس قومندانلیگی‌گه تیگیلیشی بنا ریجه‌سی و باشقه بیرقطار ریجه‌لر تدارکاتی لایحه‌لر نظرگه آلینمه‌ی و یوقاری خرجت بیلن قوریلیش شرکت‌لرگه تاپشیریلگنی توغری‌سیده توپلنگن حجت‌لر اساسیده، غور ولایتی‌نینگ سابق والیسی، مذکور 8 کیشی قولگه آلینیشی‌گه بویروغ بیرگن.
غور والیسی غلام‌ناصر خاضع‌نینگ سلام‌وطندارگه ایتیشیچه، دولت بلندمرتبه‌لی رسمی‌لری، جزالنگن تقدیرده، جامعه‌ده فساد باشقریله‌دی. غور والیسی، مذکور ولایت دولتی اداره‌لریده مالی و اداری فساد موجودلیگی‌نی قبول قیلیب ایتیشیچه، اوشبو قیین‌چیلیک‌لرگه قوشیمچه، دولت اداره‌لریده قومی قره‌مه قرشی‌لیک‌لرهم یول تاپگن و دولت اداره‌لریدن بیرقطاری، قومی مصلحت‌لر اساسیده تولدیریلگن.
شونینگ‌دیک، انچه وقت آلدین، غور ولایتی دستلبکی محکمه باشلیغی، اداری فسادگه قولی بارلیک‌که عیب‌لنیب، افغانستان عالی محکمه‌سی تامانیدن تعیین ایتیلگن هیأت آرقه‌لی قولگه آلینگن ایدی.
