_Copy1.jpg)
اوشبو واقعه اوتگن "دوشنبه" کونی توش چاغیده، غور ولایتی نینگ دولت‌یار تومنی‌نی «قاضی‌ها» قیشلاغیده یوز بیرگن.
جلال‌الدین تورموش اورتاغی (خاتونی) و ایکی باله‌سینی قالدن بیرگن. اونینگ ایتیشیچه، دولت حامی‌لریدن بولمیش ضریف اوتگن کونی توش چاغیده اولرنینگ قیشلاغی‌نی راکتی هجوم آستیگه قرار بیرگن.
جلال‌الدین نینگ کوپه‌یتیریشیچه، بو واقعه‌ده ایناغه‌سی نینگ تورموش اورتاغی (خاتونی) و ایکی باله‌سی هم هلاک ایتیلگن.
اونینگ ایتیشیچه، مذکور راکتی هجوم‌ده بیر عیال و 7 باله شامل عایله‌سی نینگ باشقه 8 اعضاسی یره‌لنگن.
_Copy1.jpg)
قربان بولگنلرنینگ اقارب‌لریدن بولمیش غلام نینگ ایتیشیچه، بیرقطار کیشی‌لر قول‌لریگه بولگن قورالنی دولت‌گه قرشی گروه‌لر اورنیده، مسکونی اوی‌لر و تینچ اهالی‌گه قرشی قوللنه‌دی.
او، اوشبو واقعه عامل‌لری نینگ قولگه آلینیب جزالنتیریلیشی ایسته‌یدی.
غور ولایتی کسلخانه داکتری ضیاالدین ضمیرنینگ ایتیشیچه، اوشبو واقعه‌گه یره‌لنگن‌لردن 6 ته‌سی مذکور کسلخانه‌گه انتقال بیریلگن و اولردن 3 ته‌سی نینگ ساغلیک وضعیتی خواطرلنترووچی دیر.
اوشبو محلی قومندان فکرینی آلیش اوچون سعی و حرکت قیلدیک، بیراق موفق بولمه‌دیک و شونینگدیک، غور محلی و امنیتی مسووللری هم بوتوغریده صحبت قیلمه‌دیلر.
