غور ولایتینینگ دولتیار تومنیده طالبلر 5 کیشینی اوغیرلهگن. اوغیرلنگن کیشیلرگه بیر داکتر، موتر هیداوچیسی و 3 اوقووچی قیز شامل دیر.
سلاموطندارگه صحبت بیرگن غور پولیسینینگ سوزلاوچیسی محمد اقبال نظامینینگ ایتیشیچه، حاضرگچه اوغیرلنگن کیشیلرنینگ تقدیریدن خبر یوق دیر، بیراق اولر قوییب یوباریلیشی اوچون خوفسیزلیک کوچلری و محل بویوکلرینینگ سعی و حرکتلری دوام ایتیب کیلماقده.
مذکور ولایتده ساغلیقنی سقلش ریاست باشلیغی جمعهگل یعقوبی، بو خبرنی تصدیقلب ایتیشیچه، اوغیرلنگن کیشیلر لعلوسرجنگل کسلخانهسینینگ ایشلاوچیلری دیر و دولتیار تومنیدن کسلخانه تامانیده کیتهیاتگن بیر چاغده اوغیرلنگنلر.
اونگه کوره، مذکور موترده باشقه کیشیلرهم موجود ایکن، بیراق اولرنینگ کیملیگی حاضرگچه بیللی بولمهگن.
طالبلر حاضرگچه بو توغریده هیچ نرسه دیمهگن.