غور امنیتی مسووللری‌نینگ بو خبرنی تصدیق‌لب ایتیشیچه، طالبان گروهی اوشبو قیز و ایرکک‌نی بیربیراولریگه علاقه‌سی بولگنی سبب، صحرایی محکمه آرقه‌لی، اهالینی حضوریده اوق آستیگه قرار بیرگن.
اوشبو واقعه اوتگن کونی شهرک تومنی‌نینگ «زی‌اسحاق» منطقه‌سیده یوز بیرگن.
غور پولیس قومندانلیگی نینگ خوفسیزلیک آمری سیدضیا حسینی نینگ سلام‌وطندارگه ایتیشیچه، مذکور قیز و ایرکک‌نی نامزدلری هم بار ایکن؛ بیراق بیربیراولریگه علاقه‌سی بولگنی سبب، اوز قیشلاقلریدن باشقه بیرمنطقه‌گه قاچیب بارگن ایکن‍‌‌لر.
غور پولیس قومندانلیگی نینگ خوفسیزلیک آمری‌گه کوره، قیزنی نامزدی‌نینگ آته‌سی طالبان گروهی‌دن اولرنی قولگه آلیشی‌نی طلب قیلگن.
طالبان گروهی حاضرگه‌قدر بو توغریده فکر بیلدیرمه‌گن.
شهرک تومنی‌نی فیروزکوه شهریدن 135 کیلومتر فاصله‌سی بار و اوشبو تومن نینگ قطار منطقه‌لریده طالبان گروهی فعالیت قیله‌دی.
