غور ولایتی پسابند تومنی‌نی یشاوچی‌لریدن بیرقطاری‌نینگ مذکور تومن‌ده ساغلیق خذمت‌لر یوق‌لیگی‌دن تنقید قیلیب ایتیشیچه، دارو یوق‌لیگی و ساغلیق مسوول‌لرنینگ دقت‌سیزلیگی باعث، اوتگن 3 هفته جریانیده 3 باله و 2 حامله‌دار عیال جان بیرگن.
اولرنینگ کوپه‌یتیریشیچه، کسل‌لرنی درمان‌لش اوچون تومن مرکزیده مراجعت قیلگن صورتده، مسووللر دارو یوق‌لیگی‌نی ایته‌دیلر و اولر کوپینچه قیین‌چیلیک بیلن کسل‌لرنی قوشنی تومن‌لرده انتقال بیره‌دی.
پسابند تومنی یشاوچی‌لری‌نینگ آگاه‌لنتیریشیچه، بو تومن یشاوچی‌لری‌نینگ ساغلیق وضعیتی‌گه دقت بولمه‌گن صورتده، انسانی فاجعه یوز بیریشی ممکن.
عین‌حالده، غور ولایتی بوییچه ساغلیق‌نی سقلش ریاستی باشلیغی جمعه‌گل یعقوبی‌نینگ ایتیشیچه، نیاز بولگن دارولر و ساغلیق موادلرنی بو ولایت ایریم تومن‌لریده یوبارگنلر؛ بیراق پسابند مرکزیده دارو یوباریش‌گه طالبان گروهی توسیق بولگن.
غور ولایتیده ساغلیق‌نی سقلش ریاستی مسووللریگه کوره، مذکور تومن قیین‌چیلیک‌لرینی مرکزی مقام‌لرگه ییتیشتیرگن.
اونینگ ایتیشیچه، اوشبو ریاست‌ده بیر مقدار دارو موجود و حکومتی اداره‌لر همکارلیک قیلگن صورتده، حربی تیک‌اوچرلر آرقه‌لی مذکور تومن‌گه انتقال بیره‌دیلر.
عین‌حالده، غور حاکمی‌نی سوزلاوچیسی عبدالحی خطیبی‌نینگ مذکور قیین‌چلیک‌لرنی تصدیق‌لب ایتیشیچه، طالبان گروهی نیچه آی‌دن بویان پسابند تومنی‌نینگ قتناو یول‌لرینی یاپیب قویگن.
غور حاکمی‌نینگ سوزلاوچیسیگه کوره، بو موضوع‌نی نیچه مرته مرکزی مسووللر بیلن اورته‌گه قوییگن‌لر؛ بیراق مذکور یول‌لرنی آچیش اوچون حاضرگه‌قدر هیچ‌قندی دقت قیلینمه‌گن.
اونینگ کوپه‌یتیریشیچه، دارو یوق‌لیگی و قیش موسونی‌نینگ ساووق‌لیگی باعث، قطار یشاوچی‌لر کسل بولگن و بو موضوع اهالینی خواطرلنتیرگن.
غور محلی مسووللری‌نینگ ایتیشیچه، کمیده 7 آی‌دن بویان پسابند تومنی طالبان گروهی‌نینگ اقتصادی قمراویگه قرار تاپگن.
