جمهور رییس غنی‌نینگ مونیخ تینچلیک ییغینیده ایتیشیچه، کیله‌جک جمهورلیک ریاستی سیلاوی دایمی تینچلیک و دولت توزه‌تیش اوچون اونملی دیر.
اونینگ کوپه‌یتیریشیچه، قدرت‌نینگ اصول اساسیگه انتقال تاپیشی کیره‌ک.
جمهور رییس غنی‌نینگ موقت حکومت فکرینی رد قیلیب ایتیشیچه، دولت توزه‌تیش دوام تاپه‌دی.
افغانستان تینچلیک سوزلشوولری بوییچه امریکانینگ خاص نماینده‌سی زلمی خلیلزادنی سعی و حرکتی خصوصیده جناب غنی‌نینگ ایتیشیچه، افغانستانده تینچلیک کیلتیریش آمریکا حکومتی‌نینگ ریجه‌سیدن دیر.
غنی نینگ کوپه‌یتیریشیچه، افغانستان حکومتی شرط سیز سوزلشوولرده تیار دیر؛ بیراق وقتینچه‌لیک تینچلیک‌نی ایستمه‌یدی.
جمهور رییس غنی‌نینگ ایتیشیچه، 2016- ییلدن سونگ آمریکانینگ تلفاتی و سرمایه یاتقیزیشی کمه‌یگن و کیله‌جک بیر آی گه‌قدر تینچلیک سوزلشوو خصوصیده قورلتای یولگه قوییلیب و بحث قیلینه‌دی.
محمداشرف غنی‌نینگ افغانستان موقعیتی‌گه دقت قیلیب ایتیشیچه، اورته آسیا مملکت‌لری افغانستان بیلن یخشی رابطه قورگن و پاکستان هم بو یول‌نی تعقیب قیله آله‌دی.
اونینگ تاکید قیلیشیچه، افغانستان طالبلر حکومتی‌گه قیتمه‌یدی و هیچ‌بیر موازی نهاد تینچلیک سوزلشوولرده مشروع حکومتی اورنی‌نی آلیش‌گه موفق بولمه‌یدی.
