افغانستان جمهورلیک ریاستی سرایی ده حکومت رهبرلری، مدنی جماعه‌چیلیک و خبرچی‌لرنینگ نماینده‌لری بیلن ییغین اوتکزگن مملکت جمهور رئیسی محمداشرف غنی نینگ آگاه‌لنتیریشیچه، تینچلیک سوزلشوولری جریانیده ناقانونی ایستک‌لری تأمین ایتیلیشی خصوصیده، حکومت گه قرشی باسقین‌لر، اولر اوچون قبول قیلینمس دیر.
جمهور رئیس نینگ اورغولشیچه، تینچلیک حدودینی یالغیز افغانستان اهالیسی تعیین قیله آله‌دی.
بوگون «چهارشنبه» جمهور رئیس غنی جمهورلیک ریاستی سرایی ده افغانستان تینچلیک لایحه‌سی بوییچه آمریکا تشقی ایشلر وزیرلیگی‌نی خاص نماینده‌سی زلمی خلیلزاد و مملکت نینگ سیاسی و جهادی رهبرلری بیلن اوچره‌شگن و بو اوچره‌شووده تینچلیک جریانی خصوصیده بولگن توشونچه‌لر و خواطرلر بیان ایتیلگن.
اوشبو ییغین کیله‌جک کونلرده هم طالبان گروهی بیلن اوتکزیله‌دیگن تینچلیک سوزلشوولری رهبرلیک قیلینیشی و آلغه آلیب باریلیشی خصوصیده، تولیق هیأت تشکیل ایتیلیشی اوچون دوام ایته‌دی.
شو توغریده…
داوودزی: تینچلیک سوزلشوولر چوزیلگنی سورا‌قلی دیر
