مملکت جمهور رئیسی محمداشرف غنی نینگ جمهورلیک ریاستیده اسلام پیامبری حضرت محمد(ص) نینگ توغیلگن ایامی‌دن نشانلش اوچون یولگه قوییلگن مراسم ده ایتیشیچه، افغانستان باشقه زمان‌لرگه قره‌گنده تینچلیک‌که یقین‌لشگن.
جناب غنی نینگ ایتیشیچه، افغانستان اهالیسی نیچه ییلدن بویان تینچلیک‌که قول تاپیش اوچون سعی و حرکت قیله‌دی. اونینگ تاکید قیلیشیچه، افغانستان بوتون یشاوچی‌لری عدالت‌گه وفادار بولگن صورتده، جماعه‌ده دایمی تینچلیک تامین ایتیله‌‌دی.
جناب غنی نینگ ایتیشیچه، «تینچلیک نینگ وقتینچه‌لیک بولمه‌یشی و دایمی بولیشی اوچون عدالت تامین ایتیلیشی اساسی نیازلردن دیر.»
مملکت جمهور رئیسی اوروش طرف‌لریدن اسلام پیامبری آموزه‌لریدن الهام آلیش بیلن اوروشدن قول تارتیب و تینچلیک لایحه‌سیگه قوشیلیش‌لرینی سوره‌گن.
جناب غنی نینگ کوپه‌یتیریشیچه، اوروش‌گه دوام بیریلیشی خصوصیده تاکید قیلیش اسلام ارزش‌لریگه قرشی دیر.
