.jpg)
افغانستان ینگی جبهه باشلیغی انورالحق احدی‌نینگ ایتیشیچه، جمهور رییس غنی اوز سیلاو کمپاین‌لریده دولت امکانیتی‌دن فایده‌لنه‌دی و اونینگ ولایت‌لرگه قیلگن سفری «الداوچیلیک» دیر.
بوگون کابل‌ده افغانستان ایرکین‌لیک، عدالت و تینچلیک حرکتی موجودیتی‌نی اعلان قیلگن ییغینده جناب احدی نینگ ایتیشیچه، حکومت ایریم بولیم‌لرگه تقنینی فرمانلر صادر قیلیب اساسی قانون‌نی نقض قیلیب و تیزیم‌نی اوزگرتیریش اوچون سعی و حرکت قیله‌دی. او، ملی بیرلیک حکومت‌نی اوز باشیمچه دیب ایتیشیچه، بو حکومت مشروطه حکومت‌دن یمان دیر.
احدی گه کوره، اوچ آی جریانیده قاغذی کیم‌لیک‌لر ترقه‌تیلیشی قیین دیر و حکومت بو توغریده هیچ بیر جواب بیرمه‌یدی. او، سیاسی حزب‌لر و حرکت‌لردن الداوچیلیک و دولتی امتیازلردن فایده‌لنیش‌گه قرشی بیرلشمه‌لرینی سوره‌یدی.
شونینگدیک، اوشبو ییغینده ملی خوفسیزلیک کینگشی نینگ سابق مصلحتچیسی رنگین دادفر اسپنتانینگ ایتیشیچه، حکومت افغانستان توپراغیدن 50% دولت گه قرشی قوراللی عصیانچیلرنینگ نظارتی ده بولگن بیرچاغده سیلاولر یولگه قوییلیشی توغریسیده صحبت قیله دی.
.jpg)
اسپنتانینگ ایتیشیچه : «حاضرگی تیزیم رهبرلری الداوچیلیک، سیستماتیک و تویغولی شکلده یشاوچیلرگه یلغان ایته‌دیلر، سیلاولرده عدالت‌لی بیلشوو ممکن ایمس دیر.»
ملی خوفسیزلیک کینگشی سابق مصلحتچیسی نینگ کوپه یتیریشیچه، ترورچی گروه‌لر باشقه هر زماندن کوره کوچلی بولگن‌لر؛ اهالی آره‌سیده اورین آچگن‌لر. بیراق، حکومت و حمایه‌چیلری، ترورچی گروه‌لرنینگ حمایت قیله‌دیگن‌لرنی مغلوب ایته آلمه‌گن. اسپنتاگه کوره، ترورچی گروه‌لرگه امتیاز بیریش و حکومت آرقه‌لی اساسی قانون دن باش تارتیش تینچلیک ایمس، «ترورچی گروه‌لرنینگ مقابلی‌ده بویین اینگیش دیر.»
بو توغریده جمهورلیک ریاستی فکرینی اورگنماق اوچون علاقه قوردیک، بیراق جمهورلیک ریاستی‌نینگ مطبوعات دفتری مسؤوللری جواب بیریش‌گه حاضر بولمه‌دیلر.
سونگی کونلرده جمهور رییس غنی هرات، پکتیا و خوست ولایت‌لریگه سفر قیلیب و بو سفرلری جریانیده نیچه پروژه‌نی آچدی؛ جمهور رییس‌نینگ تنقیدچی‌لریگه کوره، او حاضردن کیله‌جک سیلاولر اوچون کمپاین قیله‌دی و ولایت‌لرگه باریب آچیلیشی بهانه قیلینگن پروژه‌لر حیقیقاً وقت آچیلگن و فایده‌لنیش‌گه یقین دیر.
