غزنی ولایت کینگشی اعضاسی‌نینگ ایتیشیچه، مذکور ولایت‌نینگ قرهباغ، اجرستان، واغظ و اندر تومن‌لریده امنیتی کوچلر و طالب‌لر اورته‌سیده اوروش دوام ایتماقده. طالب‌لرنینگ ایلگری کیلیشی باشقریلمه‌گن صورتده، مذکور تومن‌لر طالب‌لرنینگ قولی‌گه اوتیشی ممکن.
اولرگه کوره، مذکور ولایت‌ده ناتینچ‌لیک کونساین کوپیماقده و طالب‌لر غزنی تومن‌لریده قمراو حلقه‌سینی قیسقرتیرگن.
غزنی ولایتی کینگشی‌نینگ امنیتی ترماغ مسؤولی غلام‌حسین چنگیز سلام‌وطندار بیلن اوتکزگن صحبتیده طالب‌لر هجومی اوتمیش‌لرگه قره‌گنده کوپیگنینی ایتکن، دولت اولرنینگ هجومی باشقریلیشی خصوصیده چاره تدبیر کورمه‌گن صورتده، مذکور ولایت ایریم تومن‌لری طالب‌لر قولی‌گه توشیشی ممکن.
باشقه تاماندن، غزنی ولایتی کینگشی اورین باسری عبدالجامع جامع‌نینگ ایتیشیچه، طالب‌لر مذکور ولایت‌نی بوتونله‌ی قولگه آلیش اوچون کینگ لایحه‌لرنی قولگه آلگن.
ولایتی کینگشی اورین باسری، مذکور ولایت امنیتی اداره‌لری‌نینگ طالب‌لرگه قرشی کوره‌شیش خصوصیده بیللی بیر لایحه‌سی یوق لیک‌که عیب‌له‌یدی. اونگه کوره، اوشبو کوچلر یخشی بیرشکلده اوروش میدانیده رهبرلیک قیلینمه‌گن صورتده، غزنی ولایتی‌ده مصیبت یوزبیریشی ممکن.
شونینگ‌دیک اونینگ کوپه‌یتیریشیچه، غزنی ولایتی‌ده اوروش کوپیگنی و قربان‌لیک میزانی یوقاری کیتگنی توغری‌سیده هیچ بیر شبهه یوق دیر.
اونگه کوره، اندر تومنی‌ده امنیتی کوچلر پوسته‌سی اوستیگه هجوم اویوشتیرگن جنگری طالب‌لرنینگ سانی کمیده 800 کیشی‌گه ییتیشر ایدی.
مذکور ولایت‌نینگ ناوَر تومنی، طالب‌لر سقوطی‌دن کیین، بیرینچی مرته بیرگون آلدین جنگری طالب‌لر هجومی‌گه روپه‌ره بولدی.
بیراق، غزنی ولایتی امنیه قومندانی محمدحکیم انگارنینگ ایتیشیچه، طالب‌لر گروهی شکلده غزنی‌نینگ ایریم تومن‌لری اوستیگه هجوم اویوشتیرگن، بیراق امنیتی کوچلر قرشی‌لیگی‌گه دوچ کیلیب آغیر تلفات کوریب محل‌دن قاچیب کیتگن‌لر.
غزنی امنیه قومندانی‌گه کوره، قورال‌لی طالب‌لر ریجه اساسیده، اندر، گیرو، قره باغ، آب‌بند، واغظ، خوگیانی و خواجه‌عمر تومن‌لری اوستیگه هجوم اویوشتیرگن‌لر، بیراق امنیتی کوچلر تامانیدن شکست ییگن‌لر.
غزنی امینه قومندانی، ولایت کینگشی امنیتی مسؤولی‌نینگ سوزلرینی رد ایتیب ایتیشیچه، حاضر طالب‌لر هجومی میزانی آزه‌یگن و تومن‌لر قولدن کیتیشی توغری‌سیده هیچ بیر خواطر یوق دیر.
شونینگ‌دیک بوندن آلدین، رشیدان، خوگیانی و زنه‌خان تومنلرینینگ اداره‌لری امنیتی قیین‌چیلیک باعث، اصلی اورین‌لریدن تینچ منطقه‌لرده انتقال بیریلگن ایدی.
