سلام‌وطندارگه صحبت بیرگن غزنی ولایتی‌نینگ اجرستان تومنی حاکمی حمیدالله حسیب‌زوی‌نینگ ایتیشیچه، جمعه کون ایرته‌لب قوراللی طالب‌لر نیچه تاماندن مذکور تومن بناسی، پولیس قومندانلیگی و تومن اطرافیده‌گی پوسته‌لرنی اوستیگه هجوم قیلگن و اوروش قتیق شکلده دوام ایتماقده.
اجرستان تومنی حاکمی‌نینگ ایتیشیچه، حاضرگه‌قدر امنیتی کوچلردن 14 ته‌سی هلاک و باشقه کمیده 10 ته‌سی یره‌لنگن. اونگه کوره، قمراو حلقه‌سی زمان اوتیشی بیلن تار بوله‌دی و تومن اطرافیده بولگن نیچه پوسته بیلن علاقه کیسیلگن.
اجرستان تومنی حاکمی‌نینگ آگاه‌لنتیریشیچه، هوا دن حمایت قیلینمه‌ی و بو تومن گه یاردمچی کوچ یوباریلمه‌گن صورتده، مذکور تومن طالبلرنینگ قولی‌گه سقوط قیله‌دی.
باشقه تاماندن، غزنی پولیس قومندانی فرید مشعل‌نینگ ایتیشیچه، قوراللی طالب‌لر نیچه ولایت‌دن جنگری چقیریب اجرستان تومنی اوستیگه هجوم قیلگن؛ بیراق امنیتی کوچلر حاضرگچه مقاومت قیلگن و بو تومن‌گه بوگون کوماندو کوچلری یوباریلیشی توغریسیده قرار قیلینگن.
غزنی پولیس قومندانی‌نینگ ایتیشیچه، امنیتی کوچلرنینگ قربانلیگی‌دن دقیق رقم یوق؛ بیراق آتیشمه جریانیده 27 طالب هلاک و باشقه 13 طالب یره‌لنگن. اونینگ ایتیشیچه تیزلیک‌ده یاردمچی کوچلر مذکور تومن‌گه یوباریله‌دی.
اجرستان تومنی اوتگن ییل‌لرده هم طالبلرنینگ نظارتی‌گه اوتگن ایدی. غزنی ولایت کینگشی اعضالری‌نینگ ایتیشیچه، اجرستان تومنی دولت نظارتیدن خارج بولگن حالده، تاغلیک بولگنی سبب، قیته‌دن آلیش زور بوله‌دی.
