.jpg)
سلام‌وطندارگه صحبت بیرگن دایکندی حاکمی سوزلاوچیسی علی‌اکبر ناطقی‌نینگ ایتیشیچه، یکشنبه کونی کیچ‌قورون 16 کماندو، 8 اردو، مردمی کوچلردن 5 کیشی و 2 پولیس شامل خوفسیزلیک کوچلردن 33 کیشی، طالبلر گروهی بیلن آغیر آتیشمه اوتکزگن و خوفسیزلیک کوچلریدن قطاری‌نینگ تن‌جراحت آلگنیدن سونگ، دایکندی‌نینگ میرامور تومنیده پناه کیلتیرگنلر.
قهرمان بو جمع‌ده‌گی پولیس‌لردن بیریسی‌نینگ مستعار آتی دیر. اونینگ ایتیشیچه، مرکزدن اولرگه هیچ قندی یاردم کیلمه‌گن، بیراق هلیکوپترلر طالبلر آره‌سیده ییگولیک‌ماده تشله‌گن و اولر تن‌جراحت آلیب و آچلیک‌لری سبب طالبلر برابریده مقاومت قیله‌آلمگنلر.
.jpg)
بو کیشی‌لردن چمن‌علی آتلی بیر شخص‌نینگ ایتیشیچه، توقنه‌شوودن آلدین اجرستان تومنیده اولرنینگ رقمی 60 کوماندو، 35 اردو و 30 ته ملی و محلی عسکر ایکن، بیراق حاضر اولرنینگ کوپینچه‌سینی تقدیریدن بیلی خبر یوق.
قهرمان گه کوره، طالبان اجرستان تومنی‌نی بوتونلی نظارت‌گه آلگن و حاضر یشه‌ش اوی و محل یشاوچیلریدن سپر شکلده فایده‌لنه‌دی.
بو گزارش توغریسیده مدافعه وزیرلیگی‌نینگ فکرینی اورگنیش ایسته‌دیک، بیراق بیزلرنینگ سعی و حرکت میز نتیجه‌سیز قالدی.
