غزنی بیلیم یورتیدگی ایچکی قرمه قرشیلیک لر تروچیلیک گروه لر انیقسه داعش نفوذ قیلیشی اوچون شرایط یره تگن.
غزنی بیلیم یورتینینگ بیر قنچه استادلری و محصللر، اوشبو بیلیم درگاهیده اشدیچیلیک و تعصب ایلدیز آلماقده دیگنلر
غزنی ولایت کینگشی‌نینگ کاتبی همده بیلیم یورت استادی حمیدالله سروری بوگون (پنچ‌شنبه) اعتراضی بیر اولتیریش‌ده، بیلیم یورتده افراطیتنی رواجلنتیریش‌گه ترغیب قیلیش آشگن لیگنی ایتگن. او، ترورچی گروه لر مذکور درگاده اوزیگه کوپراق طرفدار تاپیش اوچون اولگورگن دیدی.
جناب سروری، غزنی ولایتی بیلیم یورتی نینگ حاضرگی وضعیتی اهالینی تشویشی‌گه سبب بولگن لیگی نی تیلگه آلگن. شونینگدیک سروری، حکومت‌ده بو مساله‌گه پایان بیریشنی طلب قیلگن.
غزنی مدنی جماعه چیلیک فعاللریگه کوره، بیلیم یورت ایرمه چیلیک، تبعیض، تعصب و اشدیچیلیک مرکزیگه ایلنگن.
بو معما ایسه محصل‌لرنینگ درسی تیزیمیگه هم سلبی تاثیر قویگنی فعاللر تامانیدن تیلگه آلینگن.
اولر، کابل ده گی بیر قطار وکیللر و معین تیورهکلر اوز شخصی منفعت‌لری اوچون بوندهی قرمه قرشیلیک لر و قومی تعصب‌لرگه قول اوره دی دیگنلر.
غزنی بیلیم یورتی نینگ استادلری ینه محصللری، افغانستان عالی تحصیلات وزیرلیگیدن سرپرست لیک معمالرگه پایان بیریب، بیلیم یورت فعالیتی دن درست نظارت قیلیش نی سوره گن‌لر.
اما، غزنی بیلیم یورت سرپرستی عبدالرحیم نورزی بوگون ایری بیر خبری انجمن ده اشتراک قیلیب، بیلیم یورت استادلر و مدنی فعاللر ادعاسی نی رد قیلدی.
اونینگ سوزلریگه کوره، مذکور شخص لر سابق هم بوندهی ناراضیلیک لرگه قول اورگنلر. جناب نورزی، هر وقت بیلیم یورت ده شبهه لی مساله اورته گه چیققن ده امنیتی اداره لرنی جریانگه قویلگن لیگینی ایتگن.
عالی تصحیلات وزیرلیگی نینگ سوزلاوچی‌سی فیصل امین گه کوره، استاد لر و محصللر تامانیدن تیلگه آلینگن موضوع ایچکی ضدیت لردن کیلیب چیققن دیگن.
او، مساله حل ایتیلیشی اوچون تیزلیک ده وزیرلیک بو توغریده جدی قرار قبول قیله دی دیگن.
شونینگ دیک عالی تحصیلات وزیرلیگی نینگ سوزلاوچی‌سی اوشبو بیلیم یورت اوچون بعضی بیر امکانیت لر یره‌تیب بیریش ده سعی و حرکت لر دوامی بارلیگی توغریسی‌ده خبر بیرگن.
ایتیلیشیچه، بوندن آلدین افغان ملی کوچلر بیر قنچه محصل‌لرنی ترورچی گروه لر بیلن علاقه‌سی بارلیکده گمان قیلیب حبس گه آلگن ایدی.
