.jpg)
غزنی ولایتی کینگشی‌ده جاغوری خلقی‌نینگ نماینده‌سی خالقداد اکبری‌نینگ سلام‌وطندارگه ایتیشیچه، جاری ییل جوزا آیی‌ده جاغوری- قره‌باغ قتناو یولی‌دن اوغیرلنگن یولاوچی‌لردن 4 کیشی، اوتگن (یکشنبه کیچه) قوییب یوباریلگن.
جناب اکبری‌گه کوره، اوشبو تورت یولاوچی پاکستان‌نینگ کویته شهریده قوییب یوباریلگن. غزنی ولایتی‌نینگ محلی قوشیقچی‌سی عارف شاداب، اوغیرلنگن یولاوچی‌لر بیلن بیرگه ایکن. حاضر کویته شهریده حیات کیچیره‌دی و تیزلیک‌ده غزنی‌گه قیته‌دی.
اکبری‌نینگ کوپه‌یتیریشیچه، اوغیرلنگن یولاوچی‌لر بیلن بیرگه بولگن محلی قوشیقچی‌لردن بیری‌نینگ تقدیریدن حاضرگه‌قدر هیچ بیر خبر یوق دیر.
ایتیلیشیچه، قوییب یوباریلگن یولاوچی‌لر، جاغوری قوم بویوک‌لری‌نینگ سعی و حرکتی نتیجه‌سیده پول بدلی‌گه آزاد ایتیلگن.
حاضرگچه غزنی ولایتی‌ده هیچ بیر حکومتی منبع، اوشبو خبرنی تأیید یاکه رد قیلمه‌گن. شونینگ‌دیک، قورال‌لی طالب‌لر حاضرگه‌قدر بو توغریده میدیالرگه هیچ نرسه دیمه‌گن.