غزنی ایکینچی‌لیک و چارواچی‌لیک ریاست باشلیغی سلطان عباس‌یارنینگ ایتیشیچه، ولایت‌ده موزلاق موجودلیگی باعث، ایکینچی‌لیک محصولاتی حاضرگه قدر تازه قالگن و ضرورت بولگن صورتده بازارگه چیقاریله‌دی.
جناب عباس‌یارنینگ ایتیشیچه، غزنی ایکینچی‌لیک اداره‌سی، ایکینچی‌لرنینگ احتیاج‌لرینی کوزگه توتیب، 1384- ییل‌دن بویان ولایت قیشلاق‌لری و تومن‌لریده موزلاق توزه‌تیش‌گه باشله‌گن ایدی.
بو موزلاق‌لر «پی آر تی» مؤسسه‌سی و باشقه یاردم بیروچی مؤسسه‌لر یاردمی بیلن توزه‌لگن و اولرگه کوپینچه کچالو، پیاز و باشقه میوه محصولاتی سقلنه‌دی.
اوشبو موزلاق‌لرده 6 تُن‌دن آرتیق ایکینچی‌لیک محصولاتی بیرزمان‌ده جایلشه‌دی، شونینگ‌دیک کچالو، پیاز و آلمه محصولاتی بیش آی گچه تازه سقلنه‌دی.
غزنی ولایتی‌نینگ ایکینچی‌لیک محصولاتی‌دن کوپی‌سینی کچالو و پیاز تشکیل بیره‌دی. ایکینچی‌لیک اداره‌سی‌نینگ باشلیغی‌گه کوره، ایکینچی‌لیک محصولاتی ارزان و فروان بولگن بیرچاغ‌ده موزلاغ‌ده سقلنسه، قوریق‌لیک‌ده سقلنگن محصولات بازارگه چیقاریلیب قیمت‌نی بیردیک سقله‌یدی.
عین حالده، غزنی ولایتی خواجه عمری تومنی‌نینگ ییردارلریدن بیری محمدنسیم‌نینگ سلام‌وطندارگه ایتیشیچه، مذکور موزلاق‌لر ایجاد ایتیلگنی‌دن بویان ایکینچی‌لرنینگ ایکینچی‌لیک محصولاتی سقلش قیینچی‌لیگی حل بولگن. بیراق محمدنسیم، مذکور ولایت‌ده ایکینچی‌لیک محصولاتی بازارلرده ارزان ساتیلگنی‌دن ناراض‌لیک بیلدیره‌دی. اونینگ ایتیشیچه، دولت تمانیدن محصولات‌لرگه قیمت تعیین بولیب باشقریلیشی کیره‌ک.
بوندن آلدین غزنی‌ده ایکینچی‌لیک ریاستی‌نینگ ایتیشیچه، غزنی برق قیمتی یوقاری بولگنی باعث معیاری، کته و جهازلنگن موزلاق‌لرنی توزه‌تیش‌گه قادر بولمه‌گن‌لر.
غزنی اهالی‌سی ایکینچی‌لیک و باغ‌دارلیک آرقه‌لی خرجت‌لری‌نی تولیدی ولایت‌لردن بیری سنله‌دی. دولت سونگی نیچه ییل‌ده مذکور ولایت‌ده ایکینچی‌لیک توغری‌سیده ایریم برنامه‌لرنی قولگه آلگن، توزه‌لگن موزلاق‌لر مذکور برنامه‌لردن بیری سنله‌دی و دولت بو برنامه‌لرنی عمل‌گه آشیریش‌گه موفق بولگن.
