قیش فصلی‌نینگ ساووق کون‌لریده غزنی دینگیزینی اطرافی مخدره‌ماده گه چالینگن یوزلرچه کیشی گه میزبان بولگن و اولر کیچه-کوندوز او ییرده بولیب و دود قیلیش بیلن چالینگنلر.
غزنی ولایتی‌ده مخدره‌ماده گه قرشی کوره‌ش اداره باشلیغی عنایت‌الله رفعت معتادلر سانی آشگنیدن خواطر بیلدیریب ایتیشیچه، غزنی‌ده مخدره‌ماده ایکیلمه‌یدی، بیراق ناتینچیلیکلر معتادلرنی قوله‌یلیک بیلن مخدره‌ماده قول گه کیلتیریشی گه سبب بولگن. غزنی مخدره ماده‌لرگه قرشی کوره‌ش اداره باشلیغی، اوشبو ولایت‌ده معتادلرنی دارولش مرکزی کوپه‌یشی نی سوره‌گن.
غزنی یشاوچیلریدن قطاری اوغیرلاوچیک و باشقه جنایی جرم‌لرنی معتادلرگه نسبت بیریب و اولرنینگ توپلب و دارولنیشی نی سوره‌یدیلر.
غزنی عامه ساغلیک ریاستی باشلیغی ظاهرشاه نیکمل‌نینگ ایتیشیچه، اوتمیش‌لرده 800 دن آرتیق معتادنی داروله‌گنلر و آی‌ده 50 -60 معتادنی بو ولایتده‌گی دارولش مرکزیده داروله‌یدیلر.
بیراق جناب نیکمل‌نینگ ایتیشیچه، دارولنگن معتادلرگه ایش زمینه‌یره‌تیلمه‌گن صورتده، اولر قیته‌دن مخدره‌ماده گه یوز کیلتیره‌دیلر.
غزنی ده مخدره‌ماده گه چالینگن کیشی‌لردن کوپینچه‌سی یاش ییگیت‌لر دیر. مذکور معتادلرنینگ ایتیشیچه، مخدره‌ماده گه چالینگن کیشی‌لر بیلن اولتریب توریب بو وضعیت گه قرار تاپگنلر.