اوتگن آقشام کیش قورونده ایکی رسانه‌چی غزنی امنیتی پوسته‌لریدن بیری یقینیده ایشدن قیتیب اوی تامان کیتیش چاغده کلتکلنگنلر.
بو رسانه‌چیلرنینگ ایتیشلریچه، پولیس پوسته‌سیده سوکیش و یمان ایتیش یانیده کلتکلنگن‌لرهم.
غزنی رسانه‌لر اتحادیه‌سی باشلیغی محمدعارف نوری نینگ ایتیشیچه، بو ولایتده خبرچیلرنینگ اوریب سوکیلیشی‌گه ینگیلیگی یوق، بوندن آلدین هم غزنی پولیسی تامانیدن نیچه مرته رسانه‌چیلرگه خشونت قیلگن خبری ترقه‌تیلگن ایدی. اونینگ ایتیشیچه، خبرچیلرگه قرشی خشونتلر دوام ایتیشی غزنیده رسانه‌لر و خبرچیلر فعالیتی‌گه سلبی تأثیر تشلیدی.
غزنی حاکمی عبدالکریم متین نینگ اوشبو حادثه باره‌سیده خبرچیلر بیلن اوچره‌شیب اوتگن کونگی حادثه‌نی قاره‌لب قضیه‌نی جدی شکلیده تیکشیریش وعده‌سینی بیرگن.
غزنی پولیسی نینگ عملیات بولیم قومندانی دگروال برکت‌الله هم کلتکله‌گن عسکرلر تیرگاوگه آلینیب خبرچیلرگه معلومات بیریش وعده‌سینی بیردی.
بوندن آلیدن هم افغانستان رسانه‌لریدن حمایت قیله‌دیگن نهاد «نی» اوتگن ییلگه قره‌گنده خبرچیلرگه قرشی خشونتلر آشگنی‌دن خواطر بیلدیرگن ایدی.
