.jpg)
غزنی یوز مینگ جمعیتلیک بیر ولایت. لیکن، بو ولایتده خاتین – قیزلر اوچون هیچ بیر دَم آلیش مرکز یوق. ولایت نینگ بعضی بیر خاتین – قیزلریگه کوره، غزنی‌ده فقط تورتته تفریحی پارک بار. اما، بو دَم آلیش مرکزلرده هم ایرککلر برنامه‌لر آله‌دیلر. شونینگدیک بعضی بیر خاتینلر بو مرکزگه بارگن پیتده ایرککلر تامانیدن اذیت بولیشلرینی ایته‌دیلر. بو توغریده شکایت بیلدیرگن غزنیلیک عیاللر، دَم آلیش اوچون هیچ بیر معین مکان یوقلیگینی تیلگه آله‌دیلر.
سوریاگه کوره، غزنی ده خاتین – قیزلرگه قره‌شلی دَم آلیش ییری بولمه‌گنی اوچون، عمومی تفریح گاهلرگه باریش‌گه مجبور بوله‌دیلر. لیکن، بو ییرده ایسه ایریم ایرککلر آرقه‌لی اذیت بوله‌دیلر.
خالده نینگ سوزلریگه کوره، اویدن تشقریده خاتین – قیزلر اذیت بولیشی و خاتین – قیزلر اوچون معین دَم آلیش مرکزی بولمه‌گنلیگی باعث هنوزگچه اویدن تشقری فضانی تجربه قیلمه‌گن. خالده، حیاتی نینگ کته قسمینی اوی نینگ تورت دیواری ایچیده اوتکزیشگن.
غزنیلیک عیاللر نینگ کته قسمی اوی نینگ تورت دیواری ایچیده محبوس بولیب قالگنلر دیدی خانم خالده.
غزنیلیک عیاللر حکومت‌دن ولایت قیز – خاتینلری مناسبتی کونلرده تفریح‌گه چیقیش اوچون معین بیر دَم آلیش مرکزی نظرده توتیش‌نی طلب قیلگنلر.
غزنی خاتین – قیزلر ریاستی نینگ معلومات مسوولی لیلا محبی، ولایت ده دَم آلیش مرکزی بولمه‌گن لیگی اوچون خاتینلر تورلی قیین چیلیکلر بیلن روپه ره لر دیدی. او، ولایت مرکزیده خاتین – قیزلر دَم آلیشی اوچون معیین بیر مرکز قوریب بیریلیشینی سعی و حرکت قیله یاتگنلیکلرینی بیلدیرگن.
غزنی خاتین – قیزلریگه تیگیشلی باغ بوندن نیچه ییل آلدین علی لالای منطقه‌سیده قوریلگن ایدی؛ لیکن حاضرگی کونده بو باغ کمدن کم فایده‌له‌نیله‌دی.
افغانستان‌ده حاکم بولیب تورگن ناتوغری عرف و عادتلرگه کوره مملکت نینگ خاتین – قیزلری اویدن تشقریده بعضی بیر ایرککلر تامانیدن اذیت ایتیله دیلر.
