د غزني لسګونو اوسېدونکيو چې نن په دغه ولایت کې د ټاکنو خپلواک کمېسیون د دفتر مخې ته راټول شوي وو، د رایورکوونکیو د نوملیکنې پروسې د پیلېدو او د نوم ثبتونې مرکزونو ته د ټاکنیزو توکیو د لېږدولو مخه ونیوله.
معترضانو ګواښ وکړ، تر هغې چې حکومت له ولسمشري ټاکنو سره په یو وخت کې د غزني د ولسي جرګې ټاکنې و نهکړي، په دغه ولایت کې به د رایورکوونکیو د نوملیکنې پروسې پیلېدو ته اجازه ور نهکړي.
یو معترض خالد مبارز وايي، د ټاکنو کمېسیون باید ورسره توپیري چلن و نهکړي او په دغه ولایت کې د ولسي جرګې ټاکنې وکړي.
خو په غزني کې د ټاکنو د ولایتي دفتر رییس عبدالبصیر مومند له خلکو غواړي چې د نوملیکنې پروسې پیلېدو ته اجازه ورکړي، څو خلک د رای ورکولو له حقه بېبرخې نهشي.
دا په داسې حال کې ده چې نن په ټول هېواد کې د رایورکوونکیو د نوملیکنې تقویتي بهیر پیل شو او شل ورځې به دوام وکړي.