غزنی میلادی 2013- ییل اسلامی مملکت‌لر مدنی علمی تشکیلاتی تامانیدن، اوشبو مملکت‌لرنی دوره‌یی تمدن باشکینتی صفتیده تانیشتیریلدی، حاضر سونگی اوروشلر و طبیعی حادثه‌لر باعث، تاریخی آبدلرینی قولدن بیریش خطری‌گه روپه‌ره بولگن.
تاریخ تیکشیرووچیسی غلام‌محمدرضا روان‌نینگ ایتیشیچه، غزنی تاریخی آبدلری ایچیدن یالغیز بیر آبده ده‌یک ولسواللیگی‌ده، آز شکلده قیته قوریلگن و باشقه تاریخی آبدلرگه، دقت قیلینمه‌گن.
جناب روان، گنبدبیگم و امام سید حاجی بیلن شهاب‌الدین مقبره‌لریدن دقت قیلینمه‌گن صورتده، نابود بوله‌دیگن آبدلر صفتیده ایسلب ایتیشیچه، مذکور آبدلرنی زیان کوریشی بیرملت «تاریخی کیم‌لیگی‌نی» قولدن بیریش معنی‌سیده دیر.
مدنی فعال‌لردن بیری اسدالله جلالزی‌نینگ ایتیشیچه، غزنی ولایتی، اسلامی مملکت‌لر تمدن مرکزی صفتیده تانیشتیریلگن چاغیده، مذکور ولایت تاریخی آبدلرینی قیته قوریش خصوصیده، یخشی فرصت‌لر یره‌تیلگن ایدی، بیراق رسمی‌لرگه ظرفیت بولمه‌گنی باعث، بو فرصت‌لردن ایش آلیب بیلمه‌گن‌لر.
عین حالده، مذکور ولایت مدنیت و معلومات ریاستی سرپرستی محبوب‌الله رحمانی‌نینگ ایتیشیچه، حاضر غزنی مرکزیده‌گی تاریخی آبدلرگه جدی صورتده دقت قیلگن و ناتینچ منطقه‌لرده‌گی آبدلر خصوصیده هیچ بیر ایش قیلیب بولمه‌یدی.
جناب رحمانی‌نینگ ایتیشیچه، غزنی‌ده 18 تاریخی آبده بوزیلیش و نابود بولیش عرفه‌سیده قرار تاپگن.
غزنی بیرینچی مرته هخامنشی‌لر پادشاهی کوروش کبیرنینگ دنیا کینگیتیریش زمانیده (میلاد دن بیش یریم عصر آلدین) مقاومت دژه‌سی دیب تاریخ‌ده روی خطگه آلینگن. اوندن کیین اسکندر مقدونی‌نینگ مملکت کینگیتیریش زمانی (میلاد دن 330 ییل آلدین)، کوشانی‌لر پادشاه‌لری (بیرینچی میلاد باشیده) و صفاری‌لر( اوچینچی هجری عصرلر اداغیگچه) زوره‌وانلیک‌لر برابریده دفاع سنگری صفتیده تاریخ‌ده رویخطگه آلینگن.
غزنی‌نینگ تاریخی و کوریله‌دیگن ییرلری جمله‌سیدن غزنی سرایی، غزنی مناره‌لری، سلطان محمود غزنوی‌نینگ قصری، «غزنوی دودمانی‌نینگ اساسچیسی» سبکتگین مقبره‌سی، سلطان محمود غزنوی‌نینگ مقبره‌سی، سنایی غزنوی مقبره‌سی، سردار تپه‌سی، باغ پیروزی، باغ هزار درخت و باشقه اونلرچه ییردن ایسلب بوله آله‌دی.
