غرب حوزه‌سیده واکسین سقلش اوچون زنجیره‌ی مرکزنینگ قوریلیش تاشی هرات ولایتیده قوییله‌دی.
اوشبو مرکز 28 میلیون افغانی هزینه بیلن زمانه‌وی شکلده ایکی طبقه‌ده قوریله‌دی و بو مرکزنینگ قوریلیش هزینه‌سی بیرلشگن ملتلر تشکیلاتی نینگ باله‌لردن حمایت قیلیش یا-ده یونسیف بولیمی تامانیدن بیریله‌دی.
اوشبو مرکز ده هرات، فراه، غور، بادغیس و نیمروز ولایت‌لری نینگ یشاوچی‌لریگه عرضه قیلینه‌دیگن واکسین‌لر سقلنه‌دی.
هرات ولایتی بوییچه ساغلیق‌نی سقلش ریاستی باشلیغی عبدالحکیم تمنا نینگ ایتیشیچه، مذکور مرکز فعالیت‌گه باشله‌گن صورتده، واکسینی سقلش بولیمیده بولگن قیین‌چیلیکلر حل ایتیله‌دی.
هرات حاکمی نینگ اورین باسری داوود هاشمی نینگ ایتیشیچه، واکسین سقلش مرکز واکسین بولیمیده غرب حوزه‌سی یشاوچی‌لریگه کوپینچه قولایلیک یره‌ته‌دی.
عین‌حالده، هرات ولایتی بوییچه ساغلیق‌نی سقلش ریاستی مسووللری نینگ ایتیشیچه، مملکتده کرونا ویروسی چیقگنی سبب، پولیو واکسینی عمل‌گه آشیریلمه‌گن و جاری ییلده مملکت غرب حوزه‌سیده 6 ناگران‌لیک واقعه رویط گه آلینگن.
