تینچلیک خصوصیده عیاللر ملی جمغرمه‌سی، بیر شرطنامه آرقه‌لی اوروش تامان‌لریدن اوروش‌دن قول تارتیب و آتیش کیسین اعلان قیلیشی‌نی سوره‌گن.
اوشبو جمغرمه اعضالری‌نینگ تینچلیک سوزلشوولرینی افغانستان‌لیکلر آره‌سیده باشله‌نیشی‌دن حمایت قیلیب ایتیشیچه، موقت اداره قابل قبول ایمس.
تینچلیک خصوصیده عیاللر ملی جمغرمه‌سی‌نینگ برنامهسی بوگون "پنجشنبه" «اوروش بس دیر» آتی‌ده مملکت 34 ولایتی‌دن عیاللر نماینده‌لری‌نینگ حضوری بیلن کابلده یولگه قوییلدی.
مذکور جمغرمه اعضالریگه کوره، اولر 34 ولایت‌ده تینچلیک کمیته‌لر ایجاد قیلگن‌لر و تینچلیک سوزلشوولرده حقوقلرینی نظرگه آلینیشی‌نی ایسته‌یدیلر.
تینچلیک خصوصیده افغانستان عیاللر جمغرمه‌سی‌نینگ شرطنامه آرقه‌لی تاکید قیلیشیچه، دایمی تینچلیک زمینه‌سینی یره‌تیش اوچون حکومت‌نینگ سعی و حرکت قیلیشی کیره‌ک.
اوشبو ییغینده مملکت بیرینچی بانوسی رولا غنی‌نینگ ایتیشیچه، عیاللر اوروش‌دن خسته بولگن و دایمی تینچلیک ایسته‌یدیلر.
بو ییغینده مملکت جمهور رئیسی محمد اشرف غنی، تینچلیک تامین‌لنیشی خصوصیده عیاللر نقشی‌نی اونملی عنوان قیلگن.
افغانستان تینچلیک لایحه‌سی بوییچه آمریکا خاص نماینده‌سی و طالبان گروهی آره‌سیده تینچلیک سوزلشوولرنینگ دوامی بولگن بیر چاغده، تینچلیک خصوصیده افغانستان عیاللری‌نینگ جمغرمه‌سی اوروش تامان‌لریدن آتیش کیسین علان قیلیشی‌نی طلب قیله‌دیلر.
