د پاکستان لومړي وزیر ویلي چې تر دې وروسته په افغانستان کې د سولې راتلو لپاره هېڅ مشوره نه ورکوي.
د رسنیو له قوله، عمران خان پرون د قبایلو په اورکزیو سیمه کې د یوې غونډې پر مهال ویلي چې تر دې وروسته به په افغانستان کې د سولې راتلو لپاره یوازې دوعا کوي.
نوموړي زیاته کړې، په افغانستان کې له سولې راتلو سره په پاکستان نکې سوداګریز فعالیتونه ډېرېږي.
د عمران خان وروستۍ څرګندونې په افغانستان کې له غبرګونونو سره مخ شوې وې. ډېری افغان سیاستوالو او عامو خلکو د نوموړې څرګندونې د افغانستان په چارو کې لاسوهنه وبلله.
نوموړي په دوو بېلابېلو غونډو کې افغان حکومت د سولې خنډ بللی و او په دویمه غونډه کې یې ویلي وو چې «لنډمهالی حکومت» په افغانستان کې د سولې راتلو کیلي ده.
عمران خان تر دې موضوع وروسته خپلې څرګندونې یوازې «د ورورۍ مشوره» بللې وه.
اړوند مطالب:
