اداری فسادگه قرشی کوره‌ش اداره‌نینگ مسوولریگه کوره، ییریک فسادنی تیکشیرووچی عدلی و قضایی مرکزنینگ ایکّی ملازمی اولدیریلیشی فسادگه قرشی کوره‌ش لایحه یولیده جدی بیر آگاهلنتیریش.
دوشنبه کون نامعلوم قوراللی شخصلر فسادگه قرشی کوره‌ش عدلی و قضایی اداره نینگ ایکّی خادمی کابل شهری‌نینگ قمبر تورت یولیده آتیب اولدیریلدی. هنوزگچه هم هیچ بیر گروه حادثه مسوولیتی‌نی ذمه‌سیگه آلمه‌گن.
افغانستان اداری فسادگه قرشی کوره‌ش عدلی و قضایی مرکزی‌نینگ باشلیغی سیدحسین فخری، بو اداره ملازملری‌نینگ جانی امنیتی تامین بولیشی اوچون حکومت جدی یانده‌شمه گن حالده، فسادگه قرشی کوره‌ش جریانی قیین بوله‌دی دیگن.
جناب فخری، ییریک دوسیه‌لرگه قولی بولیگن مافیا همده زوروان شخصلر فسادگه قرشی کوره‌ش اداره نینگ ملازملریگه هجوم قیله دیلر دیگن.
فسادگه قرشی کوره عالی اداره نینگ رییسی حکومت‌دن فسادگه قرشی کوره‌ش اوچون تاسیس بولگن اداره‌لر خادملری امنیتینی تامین قیلیشی باره‌سیده تاکید قیلگن.
اداری فسادگه قرشی کوره‌ش ترماغی نینگ باشلیغی خان زمان امرخیل، هنوزگچه مملکتده فسادگه عاید هیچ بیر ییریک دوسیه جدی شکلده تکشیریلمه‌گن لیگی‌گه قرهمهی، اما اداری فسادگه قرشی کوره‌ش اوچون اینگ آز ایلگری آلیب باریلگن فعالیت هم فسادگه قولی بولگنلراوچون چیدملی ایمس دیگن.
جناب امرخیل، اداری فسادگه قرشی کوره‌ش اداره نینگ ملازملریگه نسبتن تهدیدلر آلدی آلینمه‌گونگه قدر، فساد آلدین دن کوره کوپراق ایلدیز آتیشی امکاندن اوزاق ایمس لیگینی معلوم قیلگن.
فسادگه عاید ییریک دوسیه‌لرنی تیکشیرووچی عدلی و قضایی مرکز بیر خبرنامه نشر قیلیب، امنیتی اداره‌لردن بو اداره‌نینگ ملازملریگه هجوم قیلگنلر تیزلیکده تانیلیب جزالنتیریلیشی‌نی سوره‌گن.
ایچکی ایشلر وزیرلیگی نینگ سوزلاووچیسی نجیب دانش حمله قنده‌ی یوز بیرگن لیگی یاروتیلیشی اوچون تیکشیرو ایشلر دوامی بارلیگینی بیلدیردی.
