بوگون "دوشنبه" عدلیه وزیری عبدالبصیر انورنینگ کابلده بیر خبری ییغینده ایتیشیچه، عدلیه وزیرلیگی حکومت‌دن 169 میلیون افغانی قرضدار دیر.
جناب انورگه کوره، اوشبو رقم پول‌لر حقوقی محصوللر، حقوقی عریضه‌لرنینگ رویخط که آلینیشی و محکمه‌لر قراریدن قالگن.
اونینگ کوپه‌یتیریشیچه، بو پول‌نی توپلش اوچون بیر هیات تشکیل ایتیلگن و توپلنگنی‌دن سونگ، حکومت خزانه‌سیگه تاپشیریله‌دی.
بو یغیینده عدلیه وزیرلیگی‌نی اورین باسری سیدمحمد هاشمی نینگ ایتیشیچه، باشقه موضوع‌لر چکه‌سیده، 1388- ییلده ایجاد ایتیلگن قضیه‌لر مدیریتی سیستمه‌سی‌نینگ عملگه آشیریلیشی خصوصیده حل یول تاپیش کیره‌ک.
قضیه‌لر مدیریتی سیستمه‌سی آنلاین بیر سیستمه دیر و قضیه‌لر رویخط گه آلینگنی‌دن سونگ، مرکزگه یوباریله‌دی و اوشبو سیستمه اساسیگه مربوط بولگن اداره‌لرنینگ قانونی تقسیم اوقات اساسیده دوسیه‌لر اوستیگه ایش قیلیشی کیره‌ک.
جناب هاشمی‌گه کوره، اداری فسادگه قرشی کوره‌ش خصوصیده ملی مدافعه، ایچکی ایشلر، عدلیه وزیرلیک‌لری و ملی خوفسیزلیک ریاستی، باش قاره‌لاوچیلیک و باشقه اداره‌لر بیلن کیلیشوونامه امضا ایتیلگن و قضیه‌لرگه عدالت عملی ایتیلیشی اوچون اوشبو سیستمه‌دن قوله‌نیله‌دی.
حاضرده حقوقی و جزایی دوسیه‌لر اوزن مدت باش قاره‌لاوچیلیک‌لرگه قاله‌دی و اوشبو هردایم موضوع اهالی نینگ قرشی‌لیگی بیلن روپه‌ره بوله‌دی.
