حکومت اجرایی ریاست باشلیغی عبدالله عبدالله، ناتینچ ولایتلر کلیدی اداره‌لر مسؤوللرینی تنلش‌گه دقت بولیشی کیره‌ک و کیشی‌لر رابطه اساسی‌ده تنلنمه‌سین دیگن.
جناب عبدالله نینگ دوشنبه کونگی وزیرلر کینگشی‌ده قیلگن نطق بیاناتیده، قندوز ولایتی طالب‌لر تصرفی‌گه قنقه اوتگنی، امنیتی کوچلر فعالیتی، اسلحه قورال آزلیگی باره‌سیده انیق معلومات و ییچیلیش یوللرینی تیگیشلی اداره‌لر گزارش بیرسه‌دیگن.
او قندوز حادثه‌سی بولیب تورگن توطئه‌لر نتیجه‌سی دیب بیله‌دی و حکومت رسمی‌لری نینگ مدیریتلری ضعیف لیگی‌نی هم قبول قیله‌دی. اوتگن هفته طالب‌لر قندوز شهریده 3 تاماندن هجوم اویوشتیریب، اوچ کونگه قدر شهرنی اوز تصرف‌لریگه آلدیلر. امنیتی کوچلر ایسه یوکسک پاکلش عملیات اوتکزیب، شهرنی بوتونلی جنگری طالب بارلیگی‌دن پاک قیلگن‌لر.
بین المللی کیچیروو تشکیلاتی نینگ گزارشیگه قره‌گنده، بو مدتده طالب‌لر شهرده جمعی اولدیریش، گروهی جنسی زوروان‌لیک و اویلرنی تالان قیلیش‌گه اولگورگن‌لر.
جناب عبدالله نینگ ایتیشیچه، قندوز حادثه‌سی باره‌سیده حکومت اوز بورچینی یخشی شکلی‌ده بجرمه‌گن و باید بوباره‌ده اهالیگه جواب بیرسه. جناب عبدالله نینگ کوپه‌یتیرشیچه، قندوز حادثه‌سی توغری‌سیده اهالی سوراقلریگه جواب بیریلمه‌گن صورتده حکومت ینه بیر بار ایشانچ سیز بوله‌دی.
شونینگ‌دیک عبدالله حاضرگی طالب‌لربیلن اوتمیش ده‌گی طالبلرنی عصیانچی‌لیک جهت‌دن هیچ فرقی یوق و بولرنی قیلگن جنایتلری کیچیریلمس دیگن. اونینگ ایتیشیچه، حکومت رسمی‌لری کوپینچه وقت طالب‌لر جنایتلرینی توجیه قیلشگه اولگوره‌دی. اجرایی ریاست باشلیغی بوکیشی‌لردن آت توتمه‌دی، اما اونینگ ایتیشیچه، حتی بوکیشی‌لر امنیتی مساله‌لرگه هم دخالت قیله‌دی.
عین حالده، ملی امنیت ریاستی هم افغانستان نظامی‌ده بیشینچی ستون بارلیگی‌نی تصدیقله‌گن.
عبدالله گه کوره، اونلرچه مرته قندوز یشاوچیلری ولایتلریده ناتینچلیکلر کوپه یشی‌دن خواطر بیلدیرگن ایدیلر.
اما امنیتی مسؤوللر اهالی خواطری باره‌سیده نیگه توجه قیلمه‌گن، قانیقرلی جواب بیریشلری کیره‌ک.
