بوگون «دوشنبه» وزیرلر کینگشی ییغینیده نطق سوزلهگن ملی بیرلیک حکومت اجراییه باشلیغی عبدالله عبدالله نینگ ایتیشیچه، نمایندهلر کینگشی سیلاوی تعیین ایتیلگن زمانیده یولگه قوییلهدی و امنیتی کوچلر بو توغریده وظیفهلرینی توغری شکلده عمل گه آشیریشی لازم.
اجراییه باشلیغی نینگ کوپهیتیریشیچه، سیلاولر یولگه قوییلیشی خصوصیده، حکومت نینگ ارادهسی کوچلی دیر و حکومتنینگ ایشی سُستهییشی و نمایندهلر کینگشی سیلاو آرتده قالیشی توغریسیده هیچ بیر ملاحظه یوق دیر.
اوشبو بیاناتلر نمایندهلر کینگشی سیلاوینینگ نامزدلریدن بیرقطارینی آتی نامزدلرنینگ سونگی رویخطیدن چیقاریلگنیدن سونگ، اولرنینگ طرفدارلری 8 ولایتده سیلاولر ایرکین کمیسیونینینگ ولایتی دفترلرینی یاپگن بیرچاغده، بیان ایتیلهدی؛ بیراق حکومت تیزلیککه بو دفترلرنی آچیشی توغریسیده سوز بیرگن.
شونینگدیک، مِش مِش لرگه کوره، نمایندهلر کینگشی و تومنلر کینگشی سیلاولری تعیین ایتیلگن زمانیده یولگه قوییلمهسی ممکن؛ بیراق ملی بیرلیک حکوم اجراییه باشلیغی، سیلاولر یولگه قوییلیشی آرتده قالمهسی توغریسیده ایشانچ بیرهدی.