اجرایوي رییس ډاکتر عبدالله عبدالله نن کابل کې په ځانمرګي برید کې د ۹خبریالانو وژل کېدلو یوکلن تلین په یادغونډه کې دغه ټکی څرګند کړ.
یو کال مخکې پر همدې ورځ د کابل په ششدرک سیمه کې ځانمرګې برید د ۹ خبریالانو ژوند اخېستې و.
ښاغلي عبدالله زیاته کړه، که هر څومره څوک د خپل مستبد او انحصارګر ذهن پټولو هڅه وکړي؛ بیا هم کله چې له خلکو سره مخېږي؛ خلک خپله قضاوت کوي.
ښاغلي عبدالله دا هم وویل چې د خلکو غږ خپولو هڅه تر پایه نه بریالۍ کېږي.
ښاغلي عبدالله په غونډه کې د عدلي – قضایي او امنیتي بنسټونو له چارواکیو وغوښتل چې د خلکو حقونو ته رسېدنه وکړي.
یاد غونډې ته لوی څارنوال فرید حمیدي وویل چې اوس د وینا ازادي او خبریالانو سره د تاوتریخوالي موضوع په اړه په لویه څارنوالۍ او په ټوله کې د دولت په کچه حساسیت رامنځته شویدی.
ښاغلي حمیدي زیاته کړه، کله چې د وینا ازادي او خبریالانو سره د تاوتریخوالي پېښه رامنځته کېږي؛ لویه څارنوالۍ له ځنډ پرته لاس په کار کېږي.
ښاغلي حمیدي د یک ټلوېزیون د خپرونو مسوول عبدالله خنجاني قضیې په اړه وویل چې لویې څارنوالۍ پهدې اړه خپل قانوني اقدام کړیدی.
ښاغلي خنجاني شاوخوا دوه اوونۍ وړاندې دعوه کړېوه چې د ولسمشر ساتونکیو ورسره ناوړه چلند کړیدی.
