.jpg)
اوتگن هفته جریانی‌ده برقی کیملیکلرنی ترقه تیش لایحه جمهوررییس غنی‌گه بیر کیملیک ترقه تیلیشی بیلن باشله نیشی توغریسیده قرار قیلینگن ایدی، بیراق بو ایش آرتده قالدی.
بوگون وزیرلر کینگشی ده نطق سوزله گن ملی بیرلیک حکومت اجراییه باشلیغی، برقی کیملیکلر ترقه تیلیشی آرتده قالدیریلگنینی یخشی دیب بیلگن.
حکومت اجراییه باشلیغی عبدالله عبدالله‌نینگ ایتیشیچه، برقی کیملیکلر ترقه تیلیشی خصوصی‌ده، فنی تیارگرلیکلر آلینگن و کیملیکلر ترقه تیلیشی خصوصی‌ده قرار قیلینگن ایدی، بیراق اوشبو توغریده جدی بحثلر دوام ایته یاتگنی باعث، بو ایش آرتده قالدیریلگن.
جناب عبدالله نینگ ایتیشیچه، حاضر ملی بیرلیک حکومت اوشبو موضوع توغریسیده خلق نماینده لری بیلن بحث اوتکزماقده.
اجراییه باشلیغی‌نینگ کوپه یتیریشیچه، بو مسئله اهالی آره سیده جدالیک کیلتیرمه سی لازم و بوتوغریده آلینه دیگن هر بیر قرار، برچه نینگ ایسته گی اساسی‌ده عمل گه آشیریله‌دی.
برقی کیملیکلرنی ترقه تیلیش لایحه‌سی هجری قویاش جاری ییل‌ده نیچه مرته آرتده قالدیریلدی.
 - Copy 1.jpg)
برقی کیملیکلرنی ترقه‌تیش اداره مسؤوللری‌نینگ ایتیشیچه، برقی کیملیکلر ترقه تیلیش لایحه‌سی جمهوررییس جوده هم مشغول بولگنی سبب، آرتده قالدیریله‌دی.
جاری ییل عقرب آییده نماینده‌لر کینگشی برقی کیملیکلرده ملیت و قوم کلیمه‌لری کیریتیلیشی نی رد قیلدی.
بیراق، قوس آییده ملی کینگش‌دن تعیین ایتیلگن قوشمه کمیسیون برقی کیملیکلرده ملیت، قوم و دین کلیمه‌لری کیریتیلیشی خصوصی‌ده جمهوررییس غنی‌نینگ تقنینی فرمانینی تصدیقله دی.
عین حالده، نماینده‌لر کینگشی اعضالری‌دن بیرقطاری، برقی کیملیکلر ترقه تیلیشینی ایسته‌یدیلر، بیراق باشقه بیر قطاری، اوشبو موضوع توغریسیده کوپراق بحث اوتکزیلیشی اوچون موضوع‌نی نماینده‌لر کینگشی‌نینگ آجنداسی‌ده کیریتیلیشی‌نی طلب قیله‌دیلر.
