ظاهر اغبر د فدراسینونو له مشرانو د رڼو ټاکنو غوښتنه وکړه

د افغانستان المپیک ملي کمېټې مشر جنرال ظاهر اغبر د افغانستان د ۱۲ بېلا بېلو فدراسیونو له مشرانو سره نن (دوشنبه) په خپل کاري د فتر کې لیده کاته وکړه.

د المپیک ملي کمیټې له خوا په خپره شوې خبرپاڼه کې راغلي دي، چې ښاغلي اغبر د پهلوانۍ ، باسکیټبال، هنډبال، دغړو ښکلا ، والیبال ، فوټبال ، اټلاټیک ، لامبو ، جوجیتسو ، کورش، سامبو ا و وی وینام فدراسیون له مشرانو څخه وغوښتل چې راتلونکو سیالیو ته غوره ټاکې وکړي.

ټاکل شوې ده، د افغانستان د بېلابېلو فدراسیونو ورزشي ډلې روان کال (سپټمبر) میاشت کې د ویتنام په کوربتوب په اسیایي ساحلي سیالیو کې برخه واخلي.

د المپیک ملي کمیټې خبرپاڼه کې راغلي دي، چې ښاغلي اغبر له مسوولینو څخه وغوښتل چې له اوسه دغو اسیايي سیالیو ته دغوره لوبغاړو په ټاکنه کار پیل کړي.

اغبر د فدراسیونونو له مشرانوغوښتي، چې غوره لوبغاړي تر روزنې لاندې ونیسي او راتلونکو ساحلي اسیایي سیالیو ته یې ښه چمتو کړي.

د خپرپاڼې له مخې، چې دالمپیک ملي کمیټې مشر د فدراسیونونو له مشرانو وغوښتل چې د وړتیاو له مخې د لوبغاړو ټاکنه کولای شي، چې افغانستان ته د تېرو کلونو په پرتله دا ځل ښې لاسته راوړنې ولري.

ټاکل شوې ده د افغانستان په ګډون د اسیا ساحلي المپیک سیالۍ د روان کال (سپټمبر) میاشتې په ۲۴ مه نېټه پیل شي او د اکتوبر تر ۳ مې نېټې به روانې وي.

د سیالیو د رسمي ویبپاڼې د معلوماتو له مخې، چې په ۵ م پړاو اسیایي ساحلي سیالیو کې به د ۴۵ هیوادونو لوبغاړي په ۱۴ ورزشي رشتو کې لوبې ترسره کړي.

ویل کیږي، چې د ویتنام په کوربتوب به دغه سترې ساحلي اسیایي سیالۍ د دغه هېواد په (داننګ) ښار ۲ ورزشي لوبغالو کې ترسره شي.

د یادونې وړ ده، چې دا د ۲۰۰۹ کال اسیایي سرپټو لوبغالي کې د سیالیو وروسته دویم ځل دی، چې ویتنام داسیایي سترو سیالیو کوربتوب کوي.