بامیان ولایتی‌نینگ تاجیک‌لر و پشتونلر عدالت‌خواه حرکتی اعضالری، کابل‌ده یولگه قویگن 23- اعتراضی ییغینیده، بامیان حاکمی طاهر زهیرنینگ قومی تعصبات، آدم اوغیرلاوچیلیک و تأریخی آبده‌لرنی قاچاق قیلیش‌گه عیب‌لگن‌لر.
مذکور حرکت‌نینگ رهبرلیک اعضاسی محی‌الدین فرهمندنینگ ایتیشیچه، طاهر زهیر قومی و حزبی تعصبات باعث، ایریم وزیرلیک‌لر و اداره‌لر تامانیدن بامیان گه یوباریلگن 200 دن آرتیق اجرایی مکتوب گه جواب بیرمه‌گن.
جناب فرهمند، بامیان حاکمی‌نینگ ایشی توخته‌تیلیشی و تیرگاوگه آلینیشی‌نی ایسته‌یدی.
اعتراضچی‌لردن باشقه بیری ملا حضرت‌گل آخوند، بامیان حاکمی‌نینگ قیزی‌نی اوغیرلش‌گه عیب‌لب ایتیشیچه، قولیده بولگن حجت او بو قضیه‌دن باش تارتیشی اوچون طاهر زهیر تامانیدن اونگه 100 مینگ دالر تکلیف ایتیلگنینی اثباتله‌یدی.
بیراق، بامیان حاکمی طاهر زهیر، قرشی بولگن برچه ادعالرنی شایعه و یالغان دیب ایتیشیچه، بو یالغانلر هر کیم‌نی خرسند قیلسه بیان قیلسین‌لر.
باشقه تاماندن، اعتراضچی‌لرنی بیاناتی‌گه کوره، بامیان حاکمی‌نینگ 13 یاشر بیر قیز اوغیرلنیشی‌گه قولی بار و شو یوزه‌دن بامیان حاکمی نماینده‌لر کینگشی‌نینگ ایچکی خوفسیزلیک کمیسیونی تامانیدن قاره‌لاوچیلیک‌که تانیشتیریلگن، بیراق باش قاره‌لاوچیلیک سوزلاوچیسی جمشید رسولی‌نینگ ایتیشیچه، بو توغریده حاضرگچه اولرگه رسمی شکلده بیر نرسه ییتیشمه‌گن.