شو سونگی‌ده طالب‌لردن بیرینگی گروه چیقیب کیلدی. بو گروه ملا اخترمحمد منصورگه قرشی بولگن قومندانلر و طالب‌لر باشلیغ‌لری ایجاد ایتیلیب، طالب‌لرنینگ نیمروزده‌گی سابق والیسی ملا محمدرسول تامانیدن باشقریله‌دی .ملا رسول باشقرویده ینگی کیلیب چیقگن گروه نیمه‌نی انگلته‌دی و بو گروه نینگ طالب‌لر رهبری ملا منصورگه قره‌گنده افغانستان تینچ‌لیگی اوچون نیمه قیلیشی ممکن؟
ایریم سیاسی و نظامی ایش بیلرمانلرگه قره‌گنده، کیله‌جکده ملا محمدرسول‌دن کوره طالب‌لر گروهیدن کوچلی راق کیشی‌لر چیقیشی ممکن؛ نیگه کی، بوگروه باشلیغ‌لری ارا کوپلب قرمه قرشیلیک‌لر چیقیب کیلماقده و شو حاضر بولرنی برچه‌سی اوزیگه یره‌شه کوچله‌نیب کیلماقده دیرلر.
سیاسی ایش بیلرمانلردن وحید مژده نینگ سلام‌وطندارگه ایتیشیچه، بو قرمه قرشیلیک‌لر 2008- ییلدن باشلنگن ایدی و بوکیشیلر اوشه وقتدن قدرتگه کیلیش اوچون کوره‌شیب کیلماقده ایدیلر. اونگه کوره، اوتمیشده باشقه اعضالر بیلن قرشی فکرلی‌لردن بیری ملا رسول ایدی.
ملا بازمحمد حارث، ملا منصور دادالله، ملا شیر محمد آخندزاده‌لر- ملا محمدرسول نینگ نظامی اورین باسرلری و عبدالمنان نیازی ایسه سیاسی اورین باسری حیثیده تنلنگن .وحید مژده نینگ ایتیشیچه، ملا رسول شاخه سیگه تیگیشلی ایکی قورالی کیشی طالب‌لر ارا قیشلاقلرده توریب اوروشیب کیلماقده‌لر و اگر بولر جنگری طالب‌لر ارا نفوذ قیلیب اونگه قوشیلگن صورتده ملا منصور باشقرویده بولگن طالب‌لر اوچون خواطر خلق قیلیشی ممکن؛ بیراق اونقه بولمه‌گن حالده، هیچ بیرگپ بولمسدی.
بو سیاسی ایش بیلرمانگه کوره، ملا رسول اورین باسرلریدن ملا باز محمد حارث اوز تسلطی‌گه بولگن منطقه‌لرده مخابراتی شرکت‌لردن پول آلیش و یولاوچیلرنی توتقینگه آلیشگه قول اوره‌دی. مژده نینگ ایتیشیچه، حسن رحمانی، مولوی عبدالرزاق و ملا جلیل‌لرگه اوخشه‌گن تأثیرلی کیشی‌لرنینگ ملا رسول گروهی ارا کوریلمه گنلیکلری سوراق توغدیره‌دی و بو ینگی گروه بیلن بولرنی قوشیمله گنلیگی باشقه بیر شاخه نینگ هم یولده لیگینی کورسته‌دی.
اما عبدالمنان نیازی نینگ رسانه‌لرگه ایتیشیچه، گروه سیدن حمایت قیلیش نیتیده بو کیشی‌لردن آت توتگن. شونینگ‌دیک مژده‌گه کوره، ملا محمدرسول شاخه‌سی اوروشیب کیله‌دیگن جنگری طالب‌لرنی اوزیگه آلیش اوچون، تندرولیکنی اوزیگه آلیشی ممکن تا امیریکه گه قرشی بولگن‌لردن سرباز آلسه.
اونگه کوره، امیریکه بیلن مذاکره قیلیشنی ملا محمدرسول طالب‌لرگروهیگه خیانت دیب بیله‌دی و منصور بیلن قرشی توریش دلیل‌لریدن بیری هم شو نقطه دیر. جناب مژده نینگ کوپه‌تیریشیچه، طالب‌لر باشقه هیچ بیر گروه نینگ قرشیلریگه چیقیش اجازه‌سینی بیرمه‌یدی؛ بو گروه ملا رسول گروهی بیلن قرشی چیقیشی ممکن و بو توقنه شوولر قربانی ینه افغان اهالیسی بولیشی ممکن.
ملا محمدرسول هم فراه‌ده قیلگن نطق سوزیده، منصورنی امیریکه لیکلر بیلن یقین بولگن‌لیگی «اصیل مجاهدلر» دن بیرینچی کورگن‌لیگی‌نی ملا منصور بیلن قرشیلیک‌لری اساسی دلیلی دیگن. نظامی ایش بیلرمانلردن بیری جاوید کوهستانی، بو ایکی گروه توقنه شوو احتمالی بولگنده باید افغانستان دولتی اوزی و افغانستان اهالیسی نفع‌گه استفاده قیلسه دیگن.
تینچ‌لیک اوچون ینگی گروه تآثیراتی
راه نجات عالی کینگشی باشلیغی و طالب‌لر گروهی سابق اعضالریدن سیداکبر آغا نینگ ایتیشیچه، طالب‌لرگروهی‌دن اجره‌لیش افغانستان خلقی اوچون ینگی قیینچی‌لیک توغیلیش و بو گروه افغانستان تینچ‌لیک لایحه‌سیگه سلبی تأثیر قیله‌دی.
ایریم ایش بیلرمانلرگه کوره، ینگی اجره‌لگن گروه افغانستان تینچ‌لیک لایحه‌سینی بوزیش اوچون پاکستان استخباراتی تشکیلاتی نظری آستیده توزه‌تیلگن؛ ولی جاوید کوهستانی نینگ نظریدن بو حرکت «آی‌اس‌آی» کوزیدن اوزاغ – افغانستان توپراغیده شکل تاپگن. اما افغانستان حکومتی نینگ بوتوغریده قره‌شی باشقچه کورسه تیله‌دی.
افغانستان جمهورلیک سرایی نینگ سوزلاوچیسی سیدظفر هاشمی ینگی چیقیب کیلگن گروه باره‌سیده، طالب‌لر صفیده اوله‌دیگن کیشی‌لر، بیگانه‌لر تامانیدن ابزار شکلیده استفاده بولگن‌لرینی بیلسین‌لر دیدی. کوهستانیگه کوره، ینگی چیقیب کیلگن گروه، ملا منصور اسلامی امارتی توغریسیده سوراق توغدیردی و طالب‌لر باشلیغی ادعاسیگه قرشی مذکور گروه باشلیغ‌لری ارا سوز بیرلیگی یوق دیب بیله‌دی.
اونینگ کوپه‌یتیریشیچه، افغانستان دولتی طالب‌لر ارا تاپیلگن فرصتدن استفاده قیلیب، بو گروه‌نی مذاکره گه کیلتیرسین. اما ایش بیلرمانلر ایریمی طالب‌لر گروهی نیچه فکرده بولگن‌لیگی تینچ‌لیک سوزله‌شیشلرنی قیین قیلگن و تینچ‌لیک سوزله‌شیشی بیر مدت کیینگه قالیشی ممکن.
هر حالده، تینچ‌لیک مساله‌سیدن اوتسک، افغانستان امنیتی کوچلریگه قرشی اوروشه دیگن گروه‌لر قطاریده حاضر باشقه بیر گروه کوپه‌یدی.
