بوگون ایرتلب قوراللی طالب‌لر هرات – قندهار قتناو یولی‌نینگ 20 یولاووچی‌سینی هلمند ولایتی‌نینگ گرشک تومنیده اوغیرله‌گنلر.
هلمند ولایت والیسی‌نینگ سوزلاووچی‌سی عمرزواک، اوشبو یولاووچی‌لر گرشک تومنی‌نینگ مهاجربازار منطقه‌سیدن اوغیرلنگن‌لیکلرینی سلام‌وطندارگه ایتگن. زواک، اوغیرلنگ‌لر برچه‌سی تورت موترنینگ یولاووچی‌لری دیگن.
شونینگ‌دیک جناب زواک، اوغیرلنگنلر ایچیده حربی شخص‌لر بولیشی هم احتمالدن اوزاق ایمس دیگن.
هلمند ولایت والیسی‌نینگ سوزلاووچی‌سی منطقه‌گه حربی کوچلر یوباریلگن دیگن. او، یولاووچی‌لرنی آزاد قیلیش اوچون سعی و حرکت‌لر باشلنگن دیدی.
حادثه مسوولیتی‌نی اوز ذهه‌سی‌گه آلگن قوراللی طالب‌لر یولاوچی‌لرنینگ سانی 27 کیشی دیگن. طالب‌لر مطبوعات خذمتی‌دن اخبارات واسطه‌لریگه یوباریلگن اعلامیه‌ده، اوغیرلنگن تینچ اهالی آزاد ایتلیشی قید ایتیلگن. اما، دولت ملازمی بولگن کیشی‌لرنی محکمه‌لریگه یوباریلیشی اعلامیه ده قید ایتیلگن.
طالب‌لرنینگ سوزلاووچی‌سی بولمیش قاری یوسف احمدی نینگ اعلامیه گه یازیلشیچه، آلدین دن قول‌گه کیریتیلگن معلومات اساسیده بو یولاووچی‌لر اوغیرلنگنلر.
لیکن، اوز ناملی فاش ایتیلیشی‌نی ایستمه‌گن امنیتی منبع‌لردن بیری‌نینگ معلوم قیلیشیچه، اوغیرلنگن یولاووچی‌لرنینگ سانی 25 کیشی بولگن. طالب‌لر مذکور شخصلرنی گرشک تورتینچی حوزه‌سی باباجی منطقه‌سیگه آلیب بارگن لیکلری منبع تامانیدن سلام‌وطندارگه ایتیلگن.
طالبان گروهی بوندن 19 کون آلدین 9 یولاووچی‌سی قندهار – کابل یولیده اوغیرله‌گن ایدی؛ بو واقعه‌دن سونگ قندوز – تخار عمومی قتناو یولیده 50 یولاووچی جنگریلر آرقه‌لی نامعلوم ییرگه اوغیرله‌نیب کیتیلگن ایدیلر.
یولاووچی‌لر طالب‌لر تامانیدن گروگان آلینیشی مملکت بولیب جدی عکس العمل‌لرگه روپه ره بولگن ایدی. مساله‌گه عکس‌العمل بیلدیریب نمایش اوتکزگن‌لر بو قبیل واقعه‌لرگه پایان بیریلیشی‌نی طلب قیلگن ایدیلر.
