نورستان ولایتی‌نینگ محلی امنیتی بلند مرتبه‌لی رسمیلری، قوراللی طالب‌لر اوتگن کیچه ( چهارشنبه دن پنج شنبه) گه اوترکیچه‌سی ولایت‌نینگ کامدیش تومنی‌گه اوستیگه هجوم قیلگن‌لر دیگن‌لر.
نورستان پولیس قوماندانی اکرام‌لدین سریع نینگ سلام‌وطندارگه ایتیشیچه، ملی کوچلر بیلن قوراللی طالب‌لر اورته‌سیده یوز بیرگن آتیشمه‌ده عصیانچی طالب‌لرنینگ 72نفری اولدیریلگن و 32 ته‌سی ایسه جراحتی آلگن.
جناب سریع، قوراللی طالب‌لر مذکور تومن‌نی اوز تصرف‌لریگه آلیش اوچون بیل باغله‌گنلر؛ اما، ملی کوچلرنینگ قتیق مقاومتی‌گه روپه ره بولیب شکست ییگن‌لر دیگن.
اولدیریلگن‌لر ایچی‌ده کامدیش اوچون ولسوال ایتیب تعین لنگن جنگری طالب هم بولگن. ایتیلیشیچه، نابود قیلینگن‌لر اره‌سیده 8 ته چیت ایللیک جنگری موجود. نورستان پولیس قوماندانی، منطقه‌ده حاضر تازه‌لش عملیات باشلنگن لیگی باره‌سیده خبر بیریشماقده.
سیلاب 201- قول اردو تامانیدن نشر ایتیلگن خبر نامه‌ده یازیلیشیچه، منطقه‌ده وضعیت عادی حالت‌گه قیتگن. آتیشمه جریانی‌ده منطقه اهالیسی‌گه جانی تلفات ییتمه‌گن لیگی محل رسمیلری تامانیدن تیل‌گه آلینگن.
اوروش‌نی تصدیق‌له‌گن قوراللی طالب‌لر تامانی اخبارات واسطه‌لریگه پیام یوللب، هجوم‌ده افغان ملی کوچلریگه آغیر تلفات ییتکزگن‌لیکلرینی بیلدیرگن‌لر. طالبان حرکتی‌نینگ سوزلاووچی‌لریدن بیری ذبیح الله مجاهد، توقنشووه 4 طالب هلاک بولگن لیگی و 7 ته‌سی یره‌لنگن لیگی‌نی اعتراف قیلگن.
