بدخشان محلی رسمیلری‌نینگ بیلدیریشیچه، ولایت بهارک تومنیده پولیس کوچلریدن آلتی ته‌سی طالب‌لر تامانیدن اوقگه توتیلگن.
بدخشان ولایت سوزلاوچیسی نوید فروتن نینگ سلام‌وطندار بیلن قیلگن تیلفونی صحبتیده ایتیشیچه، «بهارک سرخم» منطقه سیده‌گی پوسته عسکرلری اوتگن کون (جمعه) کیش قورونده نماز اوقیش پیتیده هلاک ایتیلگن.
جناب فروتن‌گه کوره، طالب‌لر ملکی موترلر بیلن منطقه‌ده بارگن.
اما طالب‌لر گروهی بیرخبرنامه ترقه‌تیشی بیلن اوتگن کون ساعت 12 ده، مذکور تومن محلی پولیس پوسته‌لریدن بیرینی قمراوگه آلگن‌لیکلرینی بیلدیرگن.
طالب‌لر تامانیدن ترقه‌تیلگن خبرنامه‌ده، محلی پولیس کوچریدن 7 کیشی توقنه شوولر نتیجه‌سیده هلاک بولگن و بیر تانک، رنجر و کوپلب قورال اسلحه‌لری ایسه اوشبوگروه قولیگه توشگن.
طالب‌لرنامله‌گن ولسوال توتیلدی
عین حالده جناب فروتن نینگ بیلدیریشیچه، بوگون (شنبه) ایرته‌لب ولایت امنیتی کوچلری طالب‌لر تامانیدن کشم تومنیده ولسوال دیب اتلگن قاری ناصر ناملی شخص و او بیلن بیرگه بولگن 6 اورتاغینی توتگنلر.
اونگه کوره، بوکیشی‌لر کوپلب آغیر-اینگیل قورال اسلحه و پارتلش ماده‌لری آرتیلگن سراچه موتری بیلن کشم تومنی نینگ «ایورزن» قیشلاقیدن توتیلگن
اونینگ بیلدیریشیچه، قاری ناصر بدخشانده‌گی سونگی هجوم‌لر بویروغی و «ایورزن» قیشلاغی‌ده بیر عیالنی صحرایی محکمه قیلیشگه عیب‌لنگن.
بیرخبرچی اولدیریلدی
باشقه بیرخبرگه کوره، بدخشان خبرچیلریدن بیری، یما بهروز اوتگن کیچه ساعت 2 اطرافیده اویده اورنه‌تیلگن ماین پارتله‌نیشی بیلن حیاتدن اوتگن.
بو ماین بهروزنی اولتیره‌دیگن اوی ایشیگی‌ده اورنه‌تیلگن ایکن.
بدخشان ولایت سوزلاوچیسی خبرنی تأیید قیلیب ایتیشیچه، بهروزنینگ آته‌سی ملی امنیت ایشلاوچیسی ایکن و اصلی هدف آته‌سی بولیشی ایتیله‌دی.
جناب فروتن حاضرگه قدر حادثه اصلی دلیلی انیق بولمه‌گن و بوباره‌ده تیکشیریشلر باشلنگن دیدی.
شو ییل باشله‌نیشی بیلن طالب‌لر اولکه شمالی ولایتلریده کوتیلمه‌گن صورتده هجوم ایلتیب کیلماقده‌لر. بدخشان، کندوز و فاریاب کوپلب هجوم ایوشتیریله‌دیگن ولایتلردن سنله‌دی کوپینچه اوشبو گروه هجومی‌دن ضرر کوریب کیلماقده.
