هلمند ولایت کینگشینینگ ایتیشیچه، طالبلر کجکی و موسیقلعه تومنلریده برق، کیلیموکیتیش و سوداگرلیک مرکزلری محصولاتیدن 300 میلیون افغانی قولگه کیریتکن.
هلمند ولایت کینگشی اعضاسی عبدالمجید آخندزادهنینگ سلاموطندارگه ایتیشیچه، طالبلر هر ییل کجکی و موسیقلعه تومنلریده برق محصولاتیدن بیش یوزمینگ پاکستانلیک کلدار قولگه کیریتهدی.
اونینگ کوپهیتیریشیچه، طالبلر برچه عایدی منبعلر اوستیگه حاکم بولگنی باعث، دولت سالیقنی توپلهآلمهیدی.
جناب آخندزادهنینگ ایتیشیچه، دولتی منبعلردن طالبلر عایدی کوپیگنی باعث، سونگی کونلرده اوشبو گروه و داعش جنگریلری اورتهسیده توقنهشوولر یوزبیریب و ایکی تاماندن کوپینچه اعضالری هلاک بولیب و یرهلنگن.
عین حالده، هلمند ولایتی برشنا ریاستی مسؤوللری، برق محصولاتیدن طالبلر فایدهلنیشینی قبول ایتهدی. بیراق طالبلر تامانیدن توپلنیشی ایتیلگن 300 میلیون افغانینی حقیقتدن اوزاق دیب ایتیشیچه، اوشبو پولنی بیر قسمی برشنا ریاستیگه توللنمهگن دولتی ادارهلر خرجتی دیر.
باشقه تاماندن، کجکی و موسیقلعه تومنلری یشاوچیلرینینگ ایتیشیچه، مذکور ایکی تومنده دولت نیچه ییلدن بویان برق محصولاتینی توپلهآلمهیدی. موسیقلعه یشاوچیلریدن بیری عیسیخان سلاموطندار بیلن اوتکزگن صحبتیده، قوراللی طالبلر آیده هر بیر اویدن بیرمینگ پاکستانلیک کلدار، معادلی 600 افغانی توپلهشینی ایتکن.
هلمند ولایتی برشنا شرکتی باشلیغی انجنیر نصرالله قانعنینگ سلاموطندارگه ایتیشیچه، اوشبو ریاست هلمند ولایتی مرکزی لشکرگاه شهریدن برق محصولاتینی بوتونلهی توپلشگه قادر بولمهگن. جناب قانعگه کوره، برشنا ریاستیدن لشکرگاه یشاوچیلریدن بیرقطاری و دولتی ادارهلر کمیده 120 میلیون افغانی قرضدار بولگن.
طالبلر برق محصولینی توپلشگه قوشیمچه، هلمند شمالی تومنلری و مذکور ولایت باشقه منطقهلریده بار و یوللاوچی تاشیدیگن موتر هیداچیلریدن پول آلهدی. بو قضیه و مخدره ماده ایکینی بیلن قاچاقیدن کیلگن محصولنی کورستیشیچه، هلمند ولایتیدهگی طالبلر عایدی، مذکور ولایت محلی حکومت عایدیگه قرهگنده کوپ دیر.