طالبلر افغانستان حکومتی بیلن اوتکزه‌جک تینچ لیک مذاکره‌سی‌ده، پاکستان‌نی چیت‌گه چیقریش‌نی ایستیدی. بو سوزلرنی افغانستانلیک ایریم سیاسی تحلیلچی‌لر سلام‌وطندار بیلن بولگن صحبت‌ده ایتگن لر. اولر، پاکستان طالبلر اورنیگه منطقه‌ده داعش‌نی جایلشتیریش سعی وحرکت قیله‌دی دیگن‌لر. عین حالده، طالب‌لرنینگ بیر گروهی افغانستان حکومتی بیلن یوز مه – یوز تینچ‌لیک مذاکره‌سی‌گه اولتیریشی ایتیله‌دی.
سیاسی تحلیلچی لطیف نظری، افغانستان حکومتی معین بیر برنامه بیلن تینچ‌لیک مذاکره‌سی‌گه کیریشی باره سیده تاکیدله‌گن. اونگه کوره، بیر تاماندن مذاکره ایجابی نتیجه بیریشی و ینه بیر تاماندن ایسه مملکت ده امنیت تامین قیلینیشی درکار.
جناب نظری‌نینگ سوزلریگه قره‌گنده، افغانستان حکومتی آلدین‌دن تیارلنگن اساسی برنامه چهار چوبه‌سی‌ده طالبلر بیلن تینچ‌لیک مذاکره‌سی‌گه اولتیرمه‌گن حالده، آلدین‌دن کوره کوپراق بو مذاکره‌دن زیان کوریشی ممکن.
.jpg)
عین حالده، تحلیلچی‌لردن باشقه بیری کابل‌خان تدبیر مملکت‌ده اوروش جریانی فاجعه کیلتیره‌دی دیگن. او، افغانستان دایمی تینچ لیککه ایریشیشی‌نینگ یگانه یولی طالبان حرکتی بیلن سیاسی مذاکره اوتکزیش بیلن حل بولیشی ممکن دیگن.
شونینگ دیک سیاسی تحلیچلردن باشقه بیری وحید مژده افغانستان، پاکستان، چین وامریکه دولتی نماینده‌لری اورته‌سی‌ده پاکستان‌نینگ اسلام آباد شهریده اوتکزیلشی کوتیله دیگن تورت تامانلمه ییغین، امریکه و پاکستان تامانیدن یول‌گه قوییلگن بیر فرپاگند دیگن.
بو قبیل گپ‌لر، یقین‌ده رویترز خبر آژانس‌لیگی قوراللی طالب‌لرنینگ بعضی اعضالری‌گه اساسلب یازگن گزارش‌ده اوشبو حرکت نینگ ایریم رهبرلری افغانتسان حکومتی بیلن مذاکره‌گه اولتیریش‌گه رغبت کورستگن تیل‌گه آلینه‌دی.
تنیچ‌لیک مذاکره‌سی قنده‌ی باشله‌نیشی نینگ دستلکی اولتیریشی افغانستان، چین، پاکستان و امریکه نماینده‌لری ارا اسلام آباد ده اوتکزیلیشی کوتیله‌دی. بوندن آلدین افغانستان حکومتی مملکت نماینده‌لیگی‌ده تشقی ایش‌لر وزیرلیگی نینگ سیاسی اورین باسری حکمت کرزی و باشقه صلاحیت‌لی نماینده‌لر اشتراک قیله‌دی دیگن ایدی.
