بغلان ولایتی پولیس قوماندان‌لیگی‌نینگ بلند مرتبه‌لی رسمی‌سی، قورال‌لی طالب‌لر هجومی عاقبتیده مرکزی بغلان نینگ «نوروزک» و «جنگل‌باغ» منطقه‌لریده تورت امنیتی پوسته سقوط قیلگن‌لیگی باره‌سیده خبر بیرگن.
اوز نامی سیر سقله‌نیشینی ایسته‌گن بو امنیتی مسؤول‌گه کوره، جنگری طالب‌لر کیچه مذکور منطقه‌لرگه هجوم قیلگن و هنوزهم ملی کوچلر بیلن عصیانچی طالب‌لر اورته‌سیده اوروش دوامی بار.
منبع‌نینگ معلوم قیلیشیچه، ملی کوچلر نیچه ساعت‌لیک اوروش‌دن سونگ تاکتیکی روش‌ده آرتگه قیتگنلر نتیجه‌ده پولیس‌نینگ تورت حربی پوسته‌سی طالب‌لر اشغالی‌گه اوتگن.
شونینگ‌دیک منبع‌نینگ ایتیشیچه، مذکور اوروش‌ده هنوزگچه جنگری‌لرنینگ 5 نفر هلاک ایتیلگن و اونلب کیشی‌سی ایسه یره‌لنگن. اونگه کوره، توقنشووده عامه‌وی نظم حربی‌لری‌نینگ 4 عسکری قربان بولیب و باشقه 7ته‌سی یره‌لنگن.
عین حالده، ایکّی کوندن بیری افغانستان قوم و قبیله‌لر وزیری بغلان ولایتی‌ده بوله‌دی. دولت‌نینگ بیر بلند مرتبه‌لی هیات باشلیغی‌ده جناب منگل ولایت امنیتی‌نی تیکشیریش اوچون بغلان‌گه سفر قیلگن.
بغلان شمال شرقی نیچه آیدن بیری ملی کوچلر و طالب‌لر اورته‌سیده یوز بیریب کیلگن ییریک توقنشوولرنینگ گواهی بولماقده.
