محمودخان کوپریگی یانیده‌گی جمهور رییس‌لیک ادراقلیلری ریاستیگه اویوشتیریلگن هجومگه قره‌تیب جمهور رییس‌نینگ غضبلنیشی و طالب‌لرگه تیگیشلی تورمه‌ده‌گی زندانیلر اعدام قیلیش حکمی بیریلیشی‌گه باغلب حاضر جنگری طالب‌لر اعلامیه ترقه‌تیشلری بیلن بیزلرگه تیگیشلی تورمه ده‌گیلر اعدام قیلینگن صورتده یمان کونلر کیلیشی شبهه‌دن اوزاق ایمس دیب یازگن. طالب‌لرنینگ اعلامیه سیده کیلیشیچه، افغانستان حکومتی نینگ بو تصمیمی «اوروش جنایتی» دیر و اوشبو گروه مذکور تصمیم‌گه نقشی بولگن نهادلر و کیشیلر بیلن حساب قیلیش‌گه کیره‌میز دیگن.
ایکی کون آلدین جمهور رییس نینگ سوزلاوچیسی اورین باسری شاه‌حسین مرتضوی هم اعدامگه بیریلگن تورمه ده‌کیلر لیستی جمهور رییس نینگ ایش دفتریده کیلگن‌لیگیدن خبر بیرگن ایدی و جمهور رییس غنی نینگ تأیید قیلیشی بیلن بو حکم تطبیق بیریلیشی ممکن.
مذکور گروه‌نینگ اعدام حکمی عملگه آشیریلیشی بیلن افغانستان خلقیدن دفاع قیلیش باره‌سیده هیچ حرکت قیلمی‌دیلر. شونینگ‌دیک اعلامیه‌ده کیلیشیچه، عدلی و قضایی نهادلر و طالب‌لر اعضاسی اعدام ایتیلیشگه قولی بولگن کیشیلر هم مذکور گروه نظامی لیستی‌ده کیردیریلیشی ممکن.
اعلامیه حکومتنی ضعیف‌لیککه قاره‌لگن، حکومت مذکور گروه بیلن یوزمه‌یوز حساب آلیشگه کوچی ایتمه‌یدی و شو اوچون تورمه ده‌گی چاره‌سیز زندانیلرگه کوچی ییته‌دی. اعلامیه‌ده افغانستان حکومتی نینگ محکمه‌لرینی قاره‌لگنلر و عدلی و قضایی نهادلر دنیا بویلب فسادگه بویلگن نهادلر باشیده قرار تاپگن و شو اوچون هم هیچ بیر حکمنی عملگه آشیریش صلاحیتلری یوق دیگن.
بوگروه خلق ارا بشر حقلری بوییچه فعال نهادلر، ایرکین رسانه‌لر، قیزیل خاج تشکیلاتی و باشقه ایرکین اداره‌لردن افغانستان حکومتی نینگ سونگی تصمیمی باره‌سیده تفاوت‌سیز قالمس‌لیکلرنی سوره‌گن. طالب‌لرنینگ ایتیشلریچه، حکومت بو حکمنی عملگه آشیریشی بیلن مذکور گروه‌نینگ کوپلب عضب‌لنتیریشگه سبب بوله‌دی و بوتصمیمی بیلن قمراولریده‌گی شخصلر و تشقی کوچلرنینگ جانلرینی خطرگه روپه‌ره قیلیشی ممکن.
بوگروه‌نینگ معلوم قیلیشیچه، افغانستان تورمه‌لریده‌گی اولرنینگ اعضالری پاره بیریشگه کوچلری ییتمه‌یدی و شو اوچون هم بولرنینگ اعدام حکمی بیریلگن.
شو بیلن بیرگه جمهور رییس نینگ سوزلاوچیسی اورین باسری شاه‌حسین مرتضوی نینگ سلام‌وطندارگه ایتیشیچه، هر بیر مجرم اوچون محکمه‌نینگ حکمی عملی بوله‌دی و افغانستان حکومتی ایسه عصیانچی‌لیک و ترورچی‌لیک عملی‌گه قول اوره‌دیگن کیشیلرگه قرشی برچه کوچیدن ایش آله‌دی.
ایکی هفته آلدین محمودخان کوپریگی یانیده‌گی جمهور رییس‌لیک اداقلی‌لر ریاستیگه بولگن هجومده 64 دن آشه کیشی هلاک بولگن ایدی. ایریم شاهیدلرگه کوره، هلاک بولگنلر سانی 150 کیشی بولگن.
حادثه‌دن افغانستان یشاوچی‌لری قرشی لیکلری بیلن روپه‌ره بولدی و طالب‌لر و حقانی ترماغی نینگ تورمه ده‌گی زندانیلری اعدام بولیشینی سوره‌دیلر.
