سیاسی ایش بیلرمانلردن بیرقطاری، تینچ‌لیک مذاکره‌لرده طالبلرنینگ قطرده‌گی نماینده‌لری، بو گروه بیلن احتمالی آتیش کیسین کیلیشوو عملی بولیشی‌گه زمینه یره‌تیشلریگه ایشانه دیلر. اوشبو ایش بیلرمان‌لرگه کوره، افغانستان حکومتی و طالب‌لر اورته‌سیده اوتکزیله‌دیگن ایکینچی دور تینچ‌لیک سوزلشوولریده آتیش کیسین اوستی‌گه بحث اوتکزیله‌دی و آتیش کیسین ایکی تامان ارا قبول بولیشی‌گه امیدلر موجود.
اولرگه کوره، بو دور سوزلشوولرده طالبلرنینگ باشقه نماینده‌لری یانیده، مذکور گروه نینگ قطرده‌گی اداره‌سی نماینده‌لری اشتراک ایتیب آتیش کیسین اوستی‌گه کیلیشگن صورتده، طالب‌لر تامانیدن بوکیلیشوو عملی بولیشی ممکن.
سیاسی ایش بیلرمانلردن بیری محمد محسن حق‌یارنینگ ایتیشیچه، بو اولتیریش‌لرده قطر دفتری تامانیدن طالب‌لر حضور تاپگن صورتده، نه فقط بو گروه آتیش کیسین کیلیشوونی قبول ایته‌دی، بلکیم باشقه سوزلرینی عمل‌گه آشیریشی ممکن.
حکومت و طالب‌لر تامانیدن احتمالی آتش کیسین کیلیشووی عملی بولمس‌لیگی توغری‌سیده‌گی خواطرلر شونده‌ی بیرحالده بیان ایتیله‌دی، بوندن آلدین طالبلرنینگ نیچه بولیم‌گه بولینگنی توغری‌سیده گزارش‌لر ترقه‌تیلگن ایدی.
اونگه اساس، آتزش کیسین کیلیشووی اوستی‌گه کیلیشگن صورتده، عملی بولیشی قیین چیلیک‌که دوچ کیلیشی ممکن. بیراق، سیاسی ایش بیلرمانلردن باشقه بیری وحید مژده‌نینگ ایتیشیچه، حکومت کیلیشوو عملی بولمس‌لیگی و طالبلرنینگ سوزلریدن خواطرده بولسه، شونینگ‌دیک طالب‌لرهم خواطرده دیر.
جناب مژده‌نینگ ایتیشیچه، حکومت ایچیده‌هم بیرقطارلر تینچ‌لیک لایحه‌سی‌گه ایشانمه‌یدی و طالبلرنینگ یوقالیشینی ایسته‌یدی. شونینگ‌دیک اونینگ ایشانچی‌گه کوره، قطر دفتری طالب‌لری‌نینگ حضوری، ایکی تامان‌نینگ کیلیشووگه ییتیشی‌گه اساسی رول اوینه‌یدی و احتمالی کیلیشوو نقض بولمس‌لیگی یوقاری کیته‌دی.
اوتکن کون، پاکستان سیاسی رسمی‌لریدن بیری‌نینگ ایتیشیچه، قطرده طالب اداره‌سی نماینده‌لریدن ایکینچی دور تینچ‌لیک سوزلشوولریده اشتراک ایتیشی‌گه امید بیلدیره‌دی و نهایت‌ده ایکی تامان آتیش کیسین اوستی‌گه کیلیشه‌دی.
شونینگ‌دیک حربی ایش بیلرمانلردن بیری جاوید کوهستانی نینگ سلام‌وطندار بیلن تلیفونی سوزله‌شیب، حکومت‌ده طالبلرنینگ سیاسی و حربی حضوریدن ایسلب ایتیشیچه، حاضر طالب‌لر مملکت ایریم منطقه‌سیده حاکم دیر.
اونینگ کوپه‌یتیریشیچه، طالب‌لرگه تیگیشلی برچه گروه‌لرنینگ آتیش کیسین کیلیشووی اوستی‌گه حضور کیلتیریشی، بو آتیش کیسین عمل بولیشی و مذکور گروه تامانیدن نقض بولمس‌لیگی‌نی کوچلنتیره‌دی.
عین حالده، جناب کوهستانی امنیتی کوچلر توغری‌سیده ایشانچ بیلدیریب، قطر دفتریدن طالبلرنینگ نماینده‌لری حضوری اوستی‌گه تاکیدلب ، حکومت تامانیدن آتیش کیسین سیندیریلیشی توغری‌سیده شبهه‌سی یوق دیر.
بو خواطرلر شونده‌ی بیرحالده بیان ایتیله‌دی کیم، حکومت و طالب‌لر اورته‌سیده‌گی سونگی تینچ‌لیک سوزلشوولری کیله‌جک هفته اوتکزیله‌دی و آتیش کیسین موضوعی اصلی مساله‌لردن بیری بولیب، بو اولتیریش‌ده بحث‌گه آلینه‌دی.
افغانستان حکومتی و طالب‌لر اورته‌سیده بولگن رسمی تینچ‌لیک سوزلشوولری بیرینچی دوری اوتکن آی پاکستان‌ده اوتکزیلدی و اونده امریکه و چین نماینده‌لرهم اشتراک قیلگن ایدی.
