دایکندی ولایتیده بیر قیزنینگ عایله‌سی اونینگ طالبان گروهی اعضالریدن بیری بیلن نکاح قیلماقچی بولگن چاغیده، قیز اویدن قاچیب خوفسیز اویده یاشینگن.
دایکندی ولایتیده عیاللر ریاستی مسؤوللری‌نینگ ایتیشیچه، اوشبو 17 یاشر قیز دایکندی ولایتی‌نینگ پاتوی تومنی تمزان قیشلاغی‌نینگ یشاوچیسی ایکن.
سلام‌وطندارگه صحبت بیرگن عیاللر ریاستی باشلیغی ذکیه رضایی‌نینگ ایتیشیچه، مذکور قیزنینگ عایله‌سی حاضرگچه اونی آلیب کیتیش اوچون نیچه مرته عیاللر ریاستی گه کیلگن‌لر و بو قضیه‌نی قومی قیلیش اوچون سعی و حرکت قیله‌دی. اونینگ کوپه‌یتیریشیچه، قیز ایستمه‌گن صورتده، اولر قیزنی عایله‌سیگه تاپشیرمه‌یدی.
دایکندی مدنی فعاللری‌نینگ ایتیشیچه، بو قیز ناتوغری رسم‌و رواجلرگه قربان بولمه‌سی اوچون اوندن جدی شکلده حمایت قیلینیشی کیره‌ک.
جمیله رحمانی‌نینگ ایتیشیچه، «دایکندی ولایتیده اویدن قاچیب چیقیش مدنیت گه اوزگرگن. مسؤوللر اداره‌لر بو موضوع نینگ اصلی دلیلی‌نی تاپیب و نتیجه‌سی توغریسیده عایله‌لرنی آگاه‌لنتیریشی لازم.
خانم رحمانی گه کوره، پاتو تومنی‌نینگ یشاوچیلری سنتی رسم‌و رواجلرنی قیتیق توته‌دیلر و تورموش قوریش‌ده قیزلرگه تنلش حقی بیریلمه‌یدی.
دایکندی مملکت‌نینگ مرکزی ولایت‌لریدن بیری سنله‌دی و عیاللری ایریم پیت‌لر جبری، قانونی یاش‌دن قویی، توی مراسمی‌ده یوقاری خرجت، کم‌بغل‌لیک و معلوماتسیزلیککه قربان بوله‌دیلر.