نورستان ولایتی‌دن ییتیب کیلگن گزاش‌لرگه کوره، مذکور ولایت دین عالم‌لر موعظه‌سی طالب‌لرنینگ حکومت‌گه قوشیلیشی اوستیگه تاثیر تشله‌گن.
نورستان امنیتی رسمی‌لری، قوراللی طالب‌لردن 10 ته‌سی بو موعظه‌لر باعث حکومت‌گه قوشیلگن‌لیک‌لرینی ایتگن.
نورستان ولایتی‌ده بوندن آلدین حکومت بیلن قرشی اوروشه دیگن طالب‌لردن 10 کیشی‌لیک بیر گروه یکشنبه کونی اوروش‌دن قول کوتاریب حکومت‌گه قوشیلگن‌لری ایتیله‌دی.
مذکور گروه قوماندانی محمدنبی‌نینگ ایتیشیچه، بوندن کیین طالب‌لرنی حکومت‌گه قوشیلیشی اوچون کوره‌شیب، مملکت‌ده برقرارلیک تامین ایتیلیشی اوچون سعی و حرکت قیله‌دی.
نورستان پولیسی‌نینگ قوماندانی محمدرفیع نورستانی، بو گروه‌نی حکومت‌گه قوشیلگنی‌نی خوش قرشی‌لب و اولردن باشقه عصیانچیلرنی حکومت‌گه قوشیلیشی توغریسیده ترغیب قیلیش‌لرینی سوره‌گن.
شونینگ‌دیک مذکور ولایت نورگرام ولسوال‌لیک پولیسی‌نینگ قوماندانی اخترمحمدنینگ ایتیشیچه، تینچلیک لایحه‌سی‌گه قوشیلگن کیشی‌لر اوچون ایش زمینه‌سی یره‌تیله‌دی.
نورستان امنیتی رسمی‌لری‌نینگ ایتیشیچه، حاضرگچه دولت‌گه قرشی قوراللی عصیانچیلر مذکور ولایت‌ده موجود؛ بیراق اولرنینگ هجوم‌لری کمیگن. مسووللر، عصیانچی گروه‌لر هجومی کمَیشی‌گه دین عالری موعظه‌سی سبب بولگنی‌نی تیل‌گه آلگن‌لر.
اوشبو رسمی‌لرگه کوره، دین عالم‌لری حکومت‌نینگ قانونی بولگنی توغریسیده اهالی ذهنی‌نی یاروتیب، مقدس ییرلری و حکومت‌نی حمایت ایتیش اوچون آلقیش‌گه سزاوارلر.
بو طالب‌لر اوز قورال اسلحه‌لرینی ییرگه قویگن‌لیگی‌نینگ بیرینچی مرته‌سی ایمس. البته، بوندن آلدین‌هم اوشبو گروه اعضاسی‌دن کمی‌ده 278 کیشی حکومت‌گه قوشیلگن ایدی.
ایتیلیشیچه، مذکور کیشی‌لر قورال‌لرینی ییرگه قویگندن کیین، نورستان امنیتی یخشی بولگن.
