حکومت تامانیدن اعلام ایتیلگن اوربندنینگ بیرینچی کونیده، طالبان گروهی بیر هاموی تانک‌گه جای‌لشتیریگن پارتلش ماده‌نی مقر تومنی پولیس قومندانلیگی‌نینگ کیریش ایشگی‌ده پارتله‌تیب و اوندن سونگ اوق آتیش‌گه باشله‌گن‌لر.
غزنی امنیتی رسمی‌لری، اوشبو هجوم نیتجه‌سیده 6 عسکر هلاک و مذکور تومن ولسوال و خوفسیزلیک مدیری شامل باشقه 24 کیشی‌نینگ یره‌لنگنی نی تصدیق‌لیدی. غزنی سابق ولایت کینگشی اعضاسی عبدالولی خان‌زاده‌نینگ ایتیشیچه، طالبلر نیچه ولایت و تومنلردن جنگره توپلب اخیرگی کون‌لرده مقر تومن‌نینگ امنیتی پوسته‌لری اوستیده هجوم قیلگنلر.
غزنی ولایت کینگشی اعضاسی حسن رضا یوسفی‌نینگ ایتیشیچه، غزنی ولایتی‌نینگ امنیتی وضعیتی یمان بولیب و اورش تیینج بولگن تومنلرده کینگی ماقده دیر.
بیراق غزنی پولیس قومندانلیگی‌نینگ خوفسیزلیک آمری رمضان‌علی محسنی‌نینگ ایتیشیچه، وضعیت، امنیتی کوچلر کنترلی‌گه، طالبلر کمیده 50 کیشی تلفات بیریب شکست بیلن دوچ کیلگن.
طالبان گروهی، اوتکن کون هم غزنی شهری‌نینگ اطراف‌لری و اوشبو ولایت 6 تومنی اوستیده هجوم قیلیب بیراق امنیتی کوچلر تامانیدن کینگه اوریلگن.
